ރާއްޖޭގެ ހާއްސަ އިގްތިސާދީ ސަރަހައްދަށް ޤާނޫނާ ހިލާފަށް ވަދެ އުޅުނު ބޭރުގެ ބޯޓެއް، އެމްއެންޑީއެފް ކޯސްޓްގާޑުގެ އަތުލައިގެންފި އެވެ.
Advertisement
އެމްއެންޑީއެފް ބުނީ އަތުލއިގަތީ ރާއްޖެ ސަރަހައްދަށް ވަގަށް ވަދެ މަސްވެރިކަން ކުރަމުން ދިޔަ މަސްބޯޓެއްކަމަށެވެ. އަދި އެ ބޯޓު އެމްއެންޑީއެފް ކޯސްޓްގާޑް ޝިޕް ޢިމާދުއްދީނުގެ ބެލުމުގެ ދަށަށް ގެނެސްފައިވާކމަށް އެމްއެންޑީއެފުން ބުނެ އެވެ.
7 މީހުންނާ އެކު ހަރަކާތްތެރިވި މި މަސްބޯޓު، އެމްއެންޑީއެފް ކޯސްޓްގާޑް ޝިޕް ޢިމާދުއްދީނުގެ ބެލުމުގެ ދަށަށް ގެނެސްފައި ވަނީ ހއ.ތުރާކުނުގެ ހުޅަނގުއުތުރުން 46 ނޯޓިކަލް މޭލު ބޭރުންކަމަށް އެމްއެންޑީއެފުން ބުނެ އެވެ. މި ބޯޓް އަތުލައިގަތީ އިއްޔެ 18:34 ހާއިރުކަމަށާއި އެ ބޯޓު ހދ.ކުޅުދުއްފުށްޓަށް ގެންގޮސްފައިވާކަމަށް އެމްއެންޑީއެފުން ބުނެ އެވެ.
ރާއްޖޭގެ ސަރަހަދަށް ގަވއިދާ ހިލާފަށް ވަތް ބޯޓުތަކެއް މާލޭ ސަރަހައްދުގައި އޮންނަތާ ތިން މަސްފަހު ދާދި ފަހުން ވަނީ އެ ބޯޓްތައް އޮޔާ ގޮސް ސިނަމާލެ ބުރިޖަށް އުރިފަ އެވެ. އަދި އެ ހާދިސާ ހިނގިތާ 24 ގަޑިއިރުވެސް ނުވަނީސް އެ ބޯޓްތައް ފެތިއްޖެކަމަށް އެމްއެންޑީއެފުން ވަނީ ބުނެ ފައެވެ.
