މުޅި އަލަށް ފެށި ދިވެހި ވަތަނީ ހިދުމަތުގެ ޕްރޮގްރާމް މިސަރުކާރުން ފެއްޓީ 01 އޮކްޓޫބަރު 2025 ގައެވެ.
މި ޕްރޮގްރާމް ފެށިތާ އަހަރެއް ވުމުން އެކަން ފާހަގަކުރައްވާ އެކްސްގައި ރައީސް ޑރ. މުހައްމަދު ކުރެއްވި ޕޯސްޓެއްގައި ވިދާޅުވީ ދިވެހި ވަތަނީ ހިދުމަތުގެ ޕްރޮގްރާމް ފެއްޓެވީ ދިވެހި ޒުވާނުންގެ ކުރިމަގު ބައްޓަންކޮށް އުޖާލާކޮށް ދިނުމުގެ މުޅިން އާ ރާސްތާއެއް ފަހިކޮށްދިނުމުގެ ނިޔަތާއި އުންމީދުން ފުރިގެންވި ޢަޒުމާއެކުކަމަށެވެ.
އެހެންކަމުން އެ ޕްރޮގްރާމް ހިންގާތާ އަހަރެއްވުމުގެ އުފަލުގައި ރައިސް މުއިއްޒު ވަނީ ދިވެހި ވަތަނީ ހިދުމަތުގެ ތަމްރީނުތައް ފުރިހަމަކުރި ޒުވާނުންނަށާއި ޢާއިލާތަކުގެ އިތުރުން ދިވެހި ވަތަނީ ހިދުމަތުގެ ކާމިޔާބު ހަރަކާތް ކުރިއަށް ގެންދިއުމުގައި ޝާމިލުވާ ހުރިހާ ފަރާތްތަކަށް ޝުކުރު އަދާކުރައްވާފަ އެވެ.
ރައީސް މުއިއްޒު ވިދާޅުވީ ދިވެހި ވަތަނީ ހިދުމަތުގެ ތެރެއިން ކޮންމެ އަހަރަކު އެއްހާސް ޒުވާނުން ތަމްރީނު ކުރުމަށް ސަރުކާރުން ކަނޑައެޅި ލަނޑުދަނޑި ފުރަތަމަ އަހަރުވެސް ހާސިލް ކުރެވިފައިވާކަމަށެވެ. އަދި މި ފާއިތުވެދިޔަ އެއް އަހަރު ވެގެންދިޔައީ، ޒުވާނުންނަށްޓަކައި، ދިވެހި ވަތަނީ ހިދުމަތުގެ ތެރެއިން ކާމިޔާބު އަދި އުފެއްދުންތެރި މަސައްކަތްތަކެއް ކޮށްދެވުނު އަހަރެއްކަން ރައީސް ވަނީ ފާހަގަކުރައްވާފަ އެވެ.
ދިވެހި ވަތަނީ ހިދުމަތުގެ ތެރެއަށް އިތުރު ޕްރޮގްރާމަތައް ތައާރަފު ކުރައްވާނެކަމަށް ރައީސް މުއިއްޒު މިއަދު ވިދާލުވެފަ އެވެ. އެގޮތުން ނޭޝަނަލް ސާވިސްގެ އިންޓާންޝިޕް ޕްރޮގްރާމްތައްވެސް ތައާރަފުކުރައްވާނެކަމަށް އެމަނިކުފާނު ވިދާޅުވި އެވެ.
ދިވެހި ވަތަނީ ހިދުމަތުގެ ފަންނީ ތަމްރީނުގެ ފުރަތަމަ ބެޗުން 63 ޒުވާނުން ދަސްވެނިވެފައިވާއިރު، ދެވަނަ ބެޗު 73 ދަރިވަރުން ނިންމާ ވަނީ ދަސްވެނިވެފަ އެވެ. އަދި ތިންވަނަ ބުރުން 341 ދަރިވަރަކު ދަސްވެނިވި އެވެ.
