މުއާސަލާތީ ރޮނގުން މުޅި އޭޝިއާ ސަރަޙައްދަށް ބެލި ނަމަވެސް ރާއްޖެ އަންނަނީ ކުރިއަރާފައިވާ އެހެން ގައުމުތަކާ އެއް ސަފެއްގައި ވާދަކުރަމުންނެވެ. އެގޮތުން އެންމެ ފަހުގެ ޒަމާނީ ޓެކްނޮލޮޖީތައް ރާއްޖެއަށް ތައާރަފްކޮށް ދަނީ ބޭނުންކުރަމުންނެވެ. މިކަމުގެ ފަހަތުގައި އޮތީ ދިރާގުގެ އިލްމީ ގާބިލް ޓީމެވެ. 

ދިރާގަކީ ހަމައެކަނި މުއާސަލާތީ އަދި ޑިޖިޓަލް ހިދުމަތް ފޯރުކޮށްދޭ ކުންފުންޏެއް ނޫނެވެ. ދިރާގުގެ އިޖުތިމާއީ ޒިންމާ ނުވަތަ "ސީއެސްއާރް"ގެ ދަށުން ދަނީ ކުޑަކުދިންނާއި، ޒުވާނުން ބާރުވެރިކުރުމަށް ގިނަ ގުނަ މަސައްކަތްތަކެއް ކުރަމުންނެވެ. އަދި މުޖްތަމައުގެ ގުޅުން ދެމެހެއްޓުމަށް ތަފާތު އެކި މަސައްކަތްތައް ދިރާގުން ކުރަމުންދާކަންވެސް ފާހަގަކޮށްލެވެ އެވެ. އެގޮތުން ގައުމީ އެކި ކަންކަމާއި ރައްޔިތުންނަށް އެހީތެރިކަން ބޭނުންވާ ވަގުތު އެފަދަ އެހީތެރިކަން ދިރާގުގެ ފަރާތުން އަބަދުވެސް ދަނީ ފޯރުކޮށްދެމުންނެވެ. 

ދިރާގަކީ ޒުވާނުން ޓެކްނޮލޮޖީއަށް އަހުލުވެރިކުރުވައި، ކޯޑިން، އީޖާދީ ކަންކަމާއި އަދި މުސްތަގުބަލުގެ ވަޒީފާގެ ދާއިރާތަކަށް މަގުފަހިކޮށްދޭ ތައުލީމީ އަދި ޑިޖިޓަލް ހުނަރުތަކުގެ ހަރަކާތްތަކަށް ދިރާގުން އެއްބާރުލުންދެެމުން އަންނަ ކުުންފުންޏެކެވެ. ނަތީޖާ އަކީ މިއަދު ދިރާގުގައި މަސައްކަތް ކުރަމުން އަންނަ ޓީމަކީ ވަރަށް ޒުވާން ޒަމާނީ ޓެކްނޮލޮޖީއަށް އަހުލުވެރި ކުދިން ނެވެ.

• އީ-ސްޕޯޓްސް އާއި ގޭމިން ކޮމިއުނިޓީ

ރާއްޖޭގައި ބާއްވާ އެންމެ ބޮޑު ގޭމިން މުބާރާތް ކަމުގައިވާ "ދިރާގު މޯލްޑިވްސް ގޭމިން ކޮންކުއެސްޓް (ޑީއެމްޖީސީ)"އަކީ ދިވެހި ޒުވާނުންގެ މެދުގައި ވަރަށް މަގްބޫލު މުބާރާތެކެވެ. ދިރާގު ގޭމާސް ގިލްޑް (ޑީޖީޖީ)ން އިންތިޒާމުކޮށްގެން ބާއްވާ ޑީއެމްޖީސީއަކީ ރާއްޖޭގެ ގޭމިން ކޮމިއުނިޓީ އެއްތަނަކުން ބައްދަލުވެ، ވާދަވެރި މާހައުލެއްގައި ހުނަރު ދައްކާލުމަށް ލިބޭ އެންމެ ބޮޑު ފުރުސަތެވެ. މިގޮތުން، މިދިޔަ އަހަރު ބޭއްވި މުބާރާތުގައި ރާއްޖޭގެ އެކި ކަންކޮޅުތަކުން 1,500އަށް ވުރެ ގިނަ ކުޅުންތެރިން ބައިވެރިވެި އެވެ.

ރާއްޖޭގެ އެންމެ ބޮޑު ގޭމިން ޕްލެޓްފޯމް ކަމަށްވާ ޑީޖީޖީން އަންނަނީ ރާއްޖޭގެ އެކި ކަންކޮޅުތަކުގައި އީ-ސްޕޯޓްސް އާއި ގޭމިން ކޮމިއުނިޓީ ބާރުވެރިކޮށް ކުރިއެރުވުމަށް ގިނަގުނަ މަސައްކަތްތަކެއް ކުރަމުންނެވެ. 

ޕަބްޖީ މޮބައިލް ކޮލިފަޔާސްގެ ބައިވެރިން - ފޮޓޯ/ދިރާގު

• ދުޅަހެޔޮ ދިރިއުޅުމަކަށް ދިރާގު

ދިރާގުން އަންނަނީ ދުޅަހެޔޮ ދިރިއުޅުމަކަށް ބާރުއަޅާ، އިޖުތިމާއީ ގުޅުން ބަދަހިކުރުމަށް އެހީތެރިވެދޭ، އަދި ގިނަ ބަޔަކަށް ބައިވެރިވެވޭ ގޮތަށް ބާއްވާ ކުޅިވަރު އަދި އެހެނިހެން ހަރަކާތްތަކަށް އެހީތެރިކަން ވެސް ފޯރުކޮށްދެމުންނެވެ. އެގޮތުން މާލޭގައި މިހާތަނަށް ބޭއްވި އެންމެ ބޮޑު އޯޕަން ވޯޓާ ސްވިމިން މުބާރާތުގައި ވެސް ދިރާގުގެ ބައިވެރިވުން ވަރަށް ބޮޑެވެ. 

ސްވިމް މޯލްޑިވްސް އިން އިންތިޒާމުކޮށްގެން ކުރިއަށްގެންދިޔަ މި ފެތުމުގެ މުބާރާތުގެ މަގުސަދަކީ، ރާއްޖޭގައި އޯޕަން ވޯޓާ ސްވިމިން ކުރިއަރުވައި މި ކުޅިވަރަށް ޝައުގުވެރިކަން އުފެއްދުމުގެ އިތުރުން، ރާއްޖޭގެ ކަނޑުތައް ރައްކާތެރިކުރުމަށް ހޭލުންތެރިކަން އިތުރުކުރުމެވެ. 

ދިރާގު މާލެ އޯޕަން 2026 ފެތުމުގެ މުބާރާތުގެ ތެރެއިން. - ދިރާގު

ރާއްޖެ ފަދަ ޖަޒީރާ ގައުމަކަށް، ކަނޑުފަޅުގެ މާހައުލާ ބެހޭ ގޮތުން ހޭލުންތެރިވުމަކީ ނުހަނު މުހިންމު ކަމެކެވެ. ކަނޑުތަކަކީ ދިވެހިންގެ ދިރިއުޅުމާއި މުޖުތަމައުތަކާ އަދި މުސްތަގުބަލާ ނުހަނު ބޮޑަށް ގުޅިލާމެހިފައިވާ ވަސީލަތެކެވެ އެހެން ކަމުން ޒުވާނުންނަށް ކަނޑުފަޅުގެ މާހައުލާ ބެހޭ މައުލޫމާތު އުނގަންނައިދީ، އަމަލީ ގޮތުން އެ މާހައުލު ތަޖުރިބާކުރުމުގެ ފުރުސަތު ފަހިކޮށްދިނުމަކީ، ކަނޑުތަކާ މެދު އޮންނަ ގުޅުން އިތުރަށް ބަދަހިވެގެންދާނެ ކަމެކެވެ. މި ކަމުގައި ވެސް ދިރާގު އުޅެނީ ވަރަށް ކުރީގައި އެވެ. 

ސައިންސް، އެކްސްޕްލޯ، އެކްޓް އެންޑް ޑިސްކަވާ (ސީޑް) އިނީޝިއޭޓިވްގެ ޕްރޮގްރާމެއް - ފޮޓޯ: ދިރާގު

ދިރާގުން އަބަދުވެސް ތިމާވެށި ހިމާޔަތްކުރުމަށާއި ކަނޑުފަޅުތައް ރައްކާތެރިކުރުމަށް މުޖުތަމައު ހޭލުންތެރިކުރުވައި ބާރުވެރިކުރުމަށް ހާއްސަ އިސްމަކެއް ދެ އެވެ. އެގޮތުން ކުޑަކުދިންނާއި ޒުވާނުންގެ މެދުގައި ކަނޑުފަޅުގެ ދިރުންތަކަށް އޮންނަ ހޭލުންތެރިކަން އިތުރުކޮށް، އޯޝަން ލިޓްރެސީއަށް ބާރު އެޅުމަށް ދިރާގުން ސައިންސް، އެކްސްޕްލޯ، އެކްޓް އެންޑް ޑިސްކަވާ (ސީޑް) އިނީޝިއޭޓިވްއާ ގުޅިގެން ގިނަ މަސައްކަތްތަކެއް މިހާރު ވެސް އަންނަނީ ކުރަމުން ނެވެ.