އޭނާ ނިޔާވީ އިންޑިއާގައި ބޭސްފަރުވާ ހޯއްދަވަމުން ގެންދަވަނިކޮށެވެ.
އަލްއުސްތާޒް ފާތިމަތު ސައުސަން ވަޒީފާއާބެހޭ ޓްރައިބިއުނަލުގެ މެންބަރުކަމުގެ މަގާމަށް އައްޔަންކުރެއްވީ 2 އޮކްޓޫބަރު 2024 ގައެވެ. އޭނާ އެ މަޤާމަށް އައްޔަންކުރެއްވީ އިންޑަސްޓްރިއަލް ޑިސްޕިއުޓް ރިޒޮލިއުޝަން ޑިވިޒްނަށް ހާއްސަ ކޮށްގެންނެވެ.
ގާނޫނީ ދާއިރާގައި ގިނަ ދުވަސްތަކެއް ވަންދެން ހިދުމަތް ކުރެއްވި އަލްއުސްތާޛާ ފާޠިމަތު ސައުސަންއަކީ، ގާނޫނީ ވަކީލެއްގެ ގޮތުންނާއި މެންބަރެއްގެ ގޮތުން ގައުމަށް އަގުހުރި ހިދުމަތްތަކެއް ކޮށްދެއްވާފައިވާ، އަހްލާގު ރަނގަޅު ގާނޫނީ ފަންނުވެރިއެކެވެ.
އޭނާގެ ކުއްލި ވަކިވުމާ ގުޅިގެން ގާނޫނީ ދާއިރާގެ ގިނަ ބަޔަކާއި، އާއިލާއާއި ރަޙުމަތްތެރިން ދަނީ ހިތާމައާއި ތައުޒިޔާ ފާޅުކުރަމުންނެވެ.
