ބީއޭއެސްއެފް (BASF) ގެ ދިރާސާވެރިން ވަނީ އައިއެފްއެސްސީސީ (IFSCC) ކޮންގްރެސްގައި މިކަމާ ގުޅޭ އާ މައުލޫމާތުތަކާއި ޑޭޓާ ހުށަހަޅާފައެވެ. މި ދިރާސާގެ މައުލޫމާތުތަކުން ދައްކާ ގޮތުގައި ކުރުނބާ ފެނަނީ ގުދުރަތީ ގޮތުން ހަންގަނޑަށް ފަރުވާދިނުމަށް ބޭނުންކުރެވޭ ވަރަށް އެކަށީގެންވާ އަދި ނަތީޖާ ރަނގަޅު ގުދުރަތީ "ސޮލްވެންޓް" އެކެވެ.
މި ދިރާސާއިން ސާބިތުވި ގޮތުގައި، ހަންގަނޑު މަރާމާތުކޮށްދިނުމުގެ ބާރު ލިބިގެންވާ "ޕޮލިފީނޯލްސް" އެކްސްޓްރެކްޓް ކުރުމަށް ނުވަތަ ވަކިކޮށް ނެގުމަށް ކުރުނބާ ފެން ބޭނުންކުރުމަކީ ވަރަށް އެފެކްޓިވް ނުވަތަ ނަތީޖާ ނެރެދޭ ގޮތެކެވެ. މީގެ ސަބަބުން ގުދުރަތީ މާއްދާތައް ބޭނުންކޮށްގެން ހަންގަނޑަށް ފަރުވާދިނުން އިތުރަށް ހަރުދަނާވެގެންދެއެވެ.
އޭގެ އިތުރުން، ގުދުރަތީ މާއްދާތައް ބޭނުންކޮށްގެން ހަންގަނޑު ރީތިކުރުމަށް އުފައްދާ "ބޮޓޭނިކަލް ސްކިންކެއާ" އުފެއްދުންތަކުގައި ކުރުނބާ ފެން ބޭނުންކުރުމުން، ހަންގަނޑުގައި ކޮލެޖަން އުފައްދައިދޭ މިންވަރު އިތުރުކޮށްދޭކަންވެސް ބީއޭއެސްއެފްގެ ދިރާސާވެރިންގެ ހޯދުންތަކުން ވަނީ އެނގިފައެވެ.
މި ދިރާސާގެ ސަބަބުން، ހަންގަނޑު މަރާމާތުކުރުމަށާއި ކޮލެޖަން އުފެއްދުން އިތުރުކުރުމަށް ކުރެވޭ މަސައްކަތްތަކުގައި ކުރުނބާ ފެން ފަދަ ގުދުރަތީ މާއްދާތަކުގެ މުހިންމުކަން ވަނީ ހާމަވެގެންގޮސްފައެވެ. އަދި މިއީ ކުރިއަށް އޮތް ތަނުގައި ހަންގަނޑުގެ ސިއްހަތު ރަނގަޅުކުރުމަށް އުފައްދާ ގުދުރަތީ އުފެއްދުންތަކަށް ލިބުނު މުހިންމު ކުރިއެރުމެކެވެ.
