ބޭރުމަގު ތާރު އަޅައިގެން ހެދުމަށްފަހު އެ މަގުގައި ޕާކުކުރުން ވަނީ މަނާކޮށްފަ އެވެ.
ފުލުހުން ބުނީ ބޮޑުތަކުރުފާނުމަގުގައި ގަވާއިދާ ހިލާފަށް ޕާކުކޮށްފައިވާ އުޅަނދު ޓޯކުރުމުގެ މަސައްކަތް ކުރަމުން އަންނަ ކަމަށެވެ. އަދި މި މަސައްކަތުގެ ތެރެއިން، ރެއިން ފެށިގެން މިހާތަނަށް ހަތަރު ފުރޮޅުލީ 9 އުޅަނދު ވަނީ ޓޯކޮށްފައިކަމަށް ފުލުހުން ބުނެ އެވެ.
ގަވާއިދާ ހިލާފަށް ޕާކުކޮށްފައިވާ އުޅަނދުތައް މަގުމަތިން ނެގުމަށް ފުލުހުން ކުރަމުންދާ މަސައްކަތް މިރޭވެސް ކުރިއަށް ގެންދިއުމަށް ވަނީ ހަމަޖެހިފައިކަމަށްވެސް ފުލުހުން ބުނެއެވެ.
އެހެންކަމުން، މަގުމަތީގައި ގަވާއިދާ ހިލާފަށް އުޅަނދު ޕާކުނުކުރުމަށާއި، އަދި އެގޮތަށް ޕާކުކޮށްފައިވާ އުޅަނދުތައް ނެގުމަށް އެންމެހައި ފަރާތްތަކަށް ދިވެހި ފުލުހުންގެ ޚިދުމަތުން ވަނީ އިލްތިމާސްކޮށްފައެވެ.
ޓްރެފިކްގެ ބޮޑެތި ޖޫރިމަނާތައް ހިމަނާ އެއްގަމު ދަތުރުފަތުރުގެ ގާނޫނަށް ގެނައި ބަދަލުތަކަށް އިއްޔެ ވަނީ އަމަލުކުރަން ފަށާފަ އެވެ.
