އޮކްޓޫބަރު 25 ގައި ބޭއްވި މި އިންތިހާބު ލޫލާ ކާމިޔާބު ކުރެއްވިކަން ރަސްމީކޮށް އިއުލާނުކޮށްފައި ވަނީ އެ ގައުމުގެ ސުޕީރިއާ އިލެކްޓޯރަލް ކޯޓުންނެވެ.
ބްރެޒިލްގެ އިލެކްޓޯރަލް ކޯޓުން ހާމަކޮށްފައިވާ ގޮތުގައި، ރޭގެ ނިޔަލަށް ވޯޓުގެ %73 ގުނާ ނިމުނުއިރު، އުމުރުން 80 އަހަރުގެ ލޫލާ ވަނީ ވޯޓުގެ %51 ހޯއްދަވާފަ އެވެ. އޭނާއާ ވާދަވެރި ބޮލްސޮނާރޯއަށް ލިބިވަޑައިގަތީ %49 އެވެ. ޕޯލިން އެޖެންސީ 'ޑޭޓާފޯލާ' އިން ވެސް ވަނީ ލޫލާ އިންތިހާބު ކާމިޔާބުކުރެއްވިކަން އިއުލާންކޮށްފަ އެވެ.
މިއީ ލޫލާގެ ސިޔާސީ ހަޔާތުގައި ހޯއްދެވި ބޮޑު ކާމިޔާބީ އެކެވެ. މި ނަތީޖާއަކީ ކުރީގެ ރައީސް ޖާއިރް ބޮލްސޮނާރޯގެ ދޮށީ ދަރިކަލުން، އުމުރުން 45 އަހަރުގެ ސެނެޓަރު ފްލާވިއޯ، އެ އާއިލާ އަލުން ރިޔާސަތަށް ގެނައުމަށް ކުރި އުންމީދަށް އެޅުނު ހުރަހެކެވެ.
