ޔުނިވަރސިޓީ އޮފް ބާމިންގްހަމްގެ ފިޒިކްސް ޢިލްމުވެރިން ކުރިއަށް ގެންދިޔަ މި ހާއްސަ ތަޖުރިބާގައި، ވަގުތުގެ ނިޒާމާ ބެހޭ ގޮތުން ކުރިން އެނގިފައިނުވާ މުހިންމު ކަންތައްތަކެއް ވަނީ ދެނެގަނެވިފަ އެވެ.
މި ތަޖުރިބާގައި ސައިންސްވެރިން ބޭނުންކޮށްފައިވަނީ ނުހަނު ފިނިކޮށްފައިވާ 24,000 އެޓަމެވެ. މި އުލްޓްރާކޯލްޑް އެޓަމްތައް ބޭނުންކޮށްގެން ސައިންސްވެރިން ވަނީ ކުއަންޓަމް ފެންވަރުގެ ކުޑަ ކާއިނާތެއް ލެބޯޓްރީ ތެރޭގައި ކާމިޔާބުކަމާއެކު އުފައްދައިފަ އެވެ. މިއީ ސައިންސްގެ ދާއިރާގައި މިފަދަ ގޮތަކަށް ކުރެވުނު ފުރަތަމަ ތަޖުރިބާ އެވެ.
މި ދިރާސާއިން ފުރަތަމަ ފަހަރަށް ދައްކުވައިދީފައިވަނީ، ބޭރުގެ އެއްވެސް ގަޑިއަކަށް ބަރޯސާވުމެއް ނެތި، ނިޒާމެއްގެ އެތެރޭގައި އަމިއްލައަށް ވަގުތު އުފެދިގެންދާނެ ގޮތެވެ. ސައިންސްވެރިން ހާމަކުރި ގޮތުގައި، މި ކުއަންޓަމް ނިޒާމުގެ ތެރޭގައި އެތެރޭގެ ވަގުތު އުފެދޭ ގޮތް ސާފުކޮށް ދެނެގަނެވުމަކީ ވަގުތުގެ އަސްލު ދެނެގަތުމަށް ލިބުނު ބޮޑު ކުރިއެރުމެކެވެ.
ޔުނިވަރސިޓީ އޮފް ބާމިންގްހަމްގެ ފިޒިކްސް ޢިލްމުވެރިންގެ މި ހޯދުމަކީ ކުއަންޓަމް ފިޒިކްސްގެ ދާއިރާއިން ވަގުތުގެ ނިޒާމު ފަހުމްކުރުމަށް ލިބުނު ވަރަށް މުހިންމު ކާމިޔާބީއެކެވެ. މި ތަޖުރިބާގެ ސަބަބުން ކާއިނާތާއި ވަގުތާ ދެމެދު އޮތް ގުޅުން އިތުރަށް ސާފުވެގެންގޮސްފައިވެ އެވެ.
