ޚަބަރުތައް ބުނާ ގޮތުގައި މި ހާދިސާގައި މަރުވި ދެ މީހުންގެ ތެރޭގައި ހިމެނެނީ ޖަރުމަނުވިލާތުގެ ލުފްތާންސާ އެއާލައިންގެ ފްލައިޓް ކްރޫއެއްގެ ގޮތުގައި މަސައްކަތްކުރާ މީހަކާއި، ސުލޮވާކިއާއަށް ނިސްބަތްވާ އައިޓީ ޕްރޮޖެކްޓް މެނޭޖަރެކެވެ. މި ދެ މީހުން މަރުވެފައިވަނީ ހޮޓެލްގެ ސްވިމިންގ ޕޫލުގައި ތިއްބައި ކަރަންޓު ޖެހިގެން ކަމަށް ވަނީ ޝައްކުކުރެވިފައެވެ.
މި ހާދިސާ ހިނގި ވަގުތު، އަނިޔާވި މީހުން ސަލާމަތްކުރުމަށްޓަކައި މަސައްކަތްކުރި އިތުރު ދެ މީހަކަށް ވެސް ވަނީ އެކިވަރުގެ އަނިޔާތައް ލިބިފައެވެ. ކަރަންޓު ޖެހުނު މީހުން ޕޫލުން ނެގުމަށް މަސައްކަތްކުރި އިތުރު ދެ މީހުންނަށް އަނިޔާވީ އެ މީހުން ސަލާމަތްކުރަން އުޅުމުގެ ތެރޭގައެވެ.
އިންޑިއާގެ ބެންގަލޫރުގެ ކޮންރެޑް ހޮޓެލްގައި ހިންގި މި ހާދިސާއާ ގުޅިގެން ކަމާބެހޭ އިދާރާތަކުން ދަނީ އިތުރަށް ތަހުގީގު ކުރަމުންނެވެ.
