އެ ކުންފުނީގެ ބޯޑުގައި އެންމެ ފަހުން އާންމު ހިއްސާދާރުން ތަމްސީލުކުރެއްވި ދެ ޑިރެކްޓަރުންނަކީ ނަސްރަތު މުހައްމަދާއި މުހައްމަދު އިމްރާން އަދުނާނެވެ.
އެމްޓީސީސީން ބުނީ ޑިރެކްޓަރުންގެ ބޯޑުގައި އާންމު ހިއްސާދާރުންގެ ފަރާތުން އިންތިހާބުކުރާ ދެ ޑިރެކްޓަރުންގެ ތެރެއިން ހުސްވެފައިވާ ޑިރެކްޓަރުގެ މަގާމަށް ކުރިމަތިލުމުގެ ފުރުސަތު މި މަހުގެ 24 އާ ހަމައަށް ހުޅުވާލާފައިވާ ކަމަށެވެ. އެމްޓީސީސީން ވަނީ ސީއެމްޑީއޭގެ ގަވާއިދުތަކުގައި ބާރުއަޅާ ގޮތަށް އެ މަގާމުތަކަށް ވީހާ ވެސް ގިނަ އަންހެނުން ކުރިމަތިލާން އެދިފަ އެވެ.
ދެ މަގާމަށް ޑިރެކްޓަރުން އިންތިހާބު ކުރާނީ 2026 ގެ އަހަރީ އާންމު ޖަލްސާގަ އެވެ.
އޭގެ އިތުރުން ކުންފުނީގެ ވިޔަފާރީގެ މަސްލަހަތު ހިމެނޭ ވިޔަފާރިއެއްގައި ޝާމިލުވާ ފަރާތަކަށް ނުވުމާއި އެފަރާތްތައް ސީއެމްޑީއޭގެ މިންގަނޑުތަކަށް ފެތެންޖެހޭ ކަމަށް އެމްޓީސީސީން ބުންޏެވެ.
އެ މަގާމަށް ޝަރުތުހަމަވާ މީހުން މައުލޫމާތު ޑިރެކްޓަރުންގެ ބޯޑަށް ހުށަހަޅައި ޑިރެކްޓަރުންގެ ބޯޑުން ކަނޑައަޅާ ގޮތެއްގެ މަތިން ޑިރެކްޓަރުކަމަށް ކުރިމަތިލެއްވި ފަރާތްތަކުގެ މައުލޫމާތު އަހަރީ އާންމު ޖަލްސާ ބޭއްވުމުގެ ކުރިން ހިއްސާދާރުންގެ މައުލޫމާތަށްޓަކައި އާންމުކޮށް އިއުލާން ކުރާނެ އެވެ.
އެ ދެ މަގާމަށް ޑިރެކްޓަރުން އިންތިހާބުކުރާނީ 2025 ވަނަ އަހަރުގެ އަހަރީ އާންމު ޖަލްސާގައި ކަމަށް އެމްޓީސީސީން ބުންޏެވެ.
އެމްޓީސީސީގެ ހިންގާ ގަވާއިދު ވާގޮތުން ކުންފުނީގެ ޑިރެކްޓަރުންގެ ބޯޑުގައި 7 ޑިރެކްޓަރުން ތިބެން ޖެހެ އެވެ. އެއީ ސަރުކާރުގެ ފަރާތުން ފަސް ޑިރެކްޓަރުންނާއި އާންމު ހިއްސާދާރުން އިންތިހާބު ކުރާ ދެ ޑިރެކްޓަރުންނެވެ.
