އެމްއެމްއޭއިން މިއަދު ބުނި ގޮތުގައި، މިއީ މަނީ ޗޭންޖިން ވިޔަފާރިކުރުމުގެ ލައިސަންސް ދީފައިވާ ފަރާތްތަކުގެ މަސައްކަތްތައް ޒަމާނީކޮށް ހަރުދަނާކުރުމަށް ތައާރަފުކުރި ނިޒާމެކެވެ. މި ސިސްޓަމް އިފްތިތާހުކޮށްދެއްވީ އެ އޮތޯރިޓީގެ ޑެޕިއުޓީ ގަވަރުނަރު އައިޝަތު އަސްނާ ހަމްދީއެވެ.
އެ އިދާރާއިން ބުނި ގޮތުގައި އޭގެ ސަބަބުން، މަނީ އެކްސްޗޭންޖިން ވިޔަފާރިކުރުމުގެ ލައިސަންސް ދީފައިވާ ފަރާތްތަކުގެ މަސައްކަތްތައް ޒަމާނީ ކުރެވޭނެ އެވެ.
އޭގެ އިތުރުން ބޭރު ފައިސާ މާރުކުރުމާ ގުޅޭ މުއާމަލާތްތައް ރިކޯޑް ކުރުމަށާއި ރިޕޯޓް ކުރުމަށް ވެސް ފަސޭހަވާނެ ކަމަށް ބުންޏެވެ.
އެމްއެމްއޭއިން ބުނީ، މި ބަދަލުގެ ސަބަބުން މި ދާއިރާގެ ކަންކަން ސުޕަވައިޒްކޮށް ބެލެހެއްޓުމުގައި އިތުރު ފަސޭހަތަކެއް ލިބި، މާލީ ދާއިރާ އިތުރަށް ހަރުދަނާވުމަށް މަގުފަހިވެގެންދާނެ ކަމަށެވެ. އަންނަ ޑިސެންބަރު 1 އިން ފެށިގެން، މަނީ އެކްސްޗޭންޖް ލައިސަންސް އޮންނަ ހުރިހާ ފަރާތްތަކަކުން ވެސް މުއާމަލާތްތައް ރިކޯޑުކޮށް ރިޕޯޓުކުރުމަށް ބޭނުންކުރާނީ މި ސިސްޓަމެވެ.
