އުމުރުން 16 އަދި 36 އަހަރާ ދެމެދުގެ ޒުވާނުންނަށް ހާއްސަކޮށްފައިވާ މި މުބާރާތުގައި ބައިވެރިވުމުގެ ފުރުސަތު މިހާރު ވަނީ ހުޅުވާލާފަ އެވެ.
މި މުބާރާތުގެ ބައިވެރިވާން އެދޭ ޒުވާނުން "ޕީއެސްއެމް އެއާ" މެދުވެރިކޮށް މިމަހުގެ 19 ވަނަ ދުވަހުގެ ދަންވަރު 12ގެ ކުރިން ނަން ނޯޓް ކުރެވޭނެ އެވެ. އެގޮތުން "ޕީއެސްއެމް އެއާ" ގެ ވާހަކައަކީ މި ނަމުގައި ހާއްސަ ޕޭޖެއް އިންނާނެކަަމަށާއި އެ ޕޭޖަށް ނަމާއި އެޑްރެސް، އުމުރު، އަދި އައިޑީ ކާޑު ނަމްބަރު ފޮނުވުމުން މުބާރާތުގައި ބައިވެރިވާން ނަންނޯޓް ކުރެވުނީކަމަށް ދިވެހި އެފްއެމްއިން ބުނެ އެވެ.
މި މުބާރާތުގެ ގަވައިދު ޕީއެސްއެމްގެ ވެބްސައިޓުން މިހާރު ފެންނަން ހުންނާނެކަމަށް ދިވެހި އެފްއެމެއިން ބުނެ އެވެ.
މި މުބާރާތުގައި ބައިވެރިވާން 19 ވަނަ ދުވަހު ނަންނޯޓް ކުރި ނަމަވެސް މުބާރާތަށް ވާހަކަ ހުށައަޅަން ޖެެހޭނީ ފަހުގެ ތާރީހެއްގައިކަމަށާއި އެ ތާރީހު އިއުލާންކުރާނެކަމަށް ދިވެހި އެފްއެމްއިން ބުނެ އެވެ.
އުމުރުން 18 އަހަރުން ދަށުގެ ކުދިން މި މުބާރާތުގައި ބައިބެރިވާން އެދޭނަމަ ބެލެނިވެރިޔާގެ ލިޔުމުން ދޭ ހުއްދައާއެކު މުބާރާތުގައި ބައިވެރިވެވޭނެކަމަށްވެސް ރާއްޖޭގައި މިވަގުތު އޮތް ހަމައެކަނި މިއުޒިކް ޗެނަލް ދިވެހި އެފްއެމްއިން ބުނެ އެވެ.
މުބާރާތުގެ ބައެއް އުސޫލް
މި މުބާރާތުގެ ވަނަތައް ހޮވާނީ މުބާރާތުގެ ފަނޑިޔާރުންގެ 70 އިންސައްތަ މާކްސް އާއި އާއްމުންގެ ވޯޓުންނެވެ. އާއްމުން މުބާރާތައް ވޯޓް ދޭން ޖެހޭނީ ޕީއެސްއެމް އެއާ މެދުވެރިކޮށެވެ.
މުބާރާތް އިނާމުތައް
"ވާހަކައަކީ" މި މުބާރާތުގެ މަގުސަދަކީ ޒުވާނުންގެ މެދުގައި ވާހަކަ ކިޔުމުގެ ހުނަރު ތަރައްޤީކޮށް، މުޖުތަމައަށް ފައިދާހުރި މެސެޖުތައް ފޯރުކޮށްދިނުކަމަށް ޕީއެސްއެމްއިން ބުނެ އެވެ. މި ޕްރޮގްރާމްގެ ޕްރޮޑިއުސަރަކީ ދިވެހު އެފްއެމްގެ އެހުންތެރިންގެ މެދުގައި މަގުބޫލުކަން ހޯދާފައިވާ އާރު ޖޭ އާޝިދާ އަބްދުލް ކަރީމް އެވެ.
