ރައީސް އޮފީހުގައި މިއަދު ބޭއްވި ނޫސްވެރިންގެ ބައްދަލުވުމެއްގައި ރައީސް ވިދާޅުވީ މިއީ ރާއްޖެއަށް ނުހަނު މުހިންމު ސަމިޓެއް ކަމަށާއި ތިމާވެށި ރައްކާތެރިކުރުމުގެ ދާއިރާއިން ގައުމީ އަދި ބައިނަލްއަގުވާމީ ފެންވަރުގައި ރާއްޖެއިން ގިނަގުނަ މަސައްކަތްތަކެއް ކުރަމުންދާ ކަމަށެވެ.
ރާއްޖެއަކީ ސިޑްސްގައި ހިމެނޭ ކުޑަ ގައުމެއް ނަމަވެސް ރާއްޖެއިން ތިމާވެށީގެ މައްސަލަތަކަށް ވަކާލާތު ކުރައްވާނެކަން ފާހަގަކުރައްވާ ރައީސް ވިދާޅުވީ، ބައިނަލްއަގުވާމީ ގޮތުން ވެފައިވާ އެއްބަސްވުންތައް ތަންފީޒުވަމުންދާ ވަރަކުން ރާއްޖެއަށް ފައިދާވަމުންދާނެ ކަމަށެވެ. އަދި އެކަމަށް ބާރުއަޅުއްވާނެ ކަމަށެވެ.
ރައީސް ވިދާޅުވީ، އެމަނިކުފާނު ކުރައްވާ ފުރަމާނަ ދަތުރުފުޅުތަކުގައި އެންމެ އިސްކަން ދެއްވަނީ ހާރިޖީ ސިޔާސަތާއި އެއްގޮތަށް ރާއްޖެއަށް ކަންކަން ފަހިވާގޮތަށް މޯލްޑިވްސް ފަސްޓް ޕޮލިސީ ތަންފީޒު ކުރުމަށް ކަމަށެވެ.
