މި މައްސަލައިގައި އިމިގްރޭޝަންގެ ސައްހަނޫން ލިޔެކިއުންތައް ފާސްކޮށްދިނުމުގައި ބައިވެރިވި ދައުލަތުގެ ހަތަރު މުވައްޒަފަކުވެސް ވަނީ ޖަލަށް ލުމަށް ހުކުމްކޮށްފަ އެވެ.
ޝަރީއަތުން ސާބިތުވެފައިވާ ގޮތުގައި، 10 އަހަރުގެ ޖަލު ހުކުމެއް އިއްވި މީހާއަކީ ސައްހަނޫން ވިސާ އާއި ރެސިޑެންސީ ފޯރުކޮށްދިނުމަށް ފުޅާ ދާއިރާއެއްގައި ހިންގި މަކަރުވެރި ނެޓްވޯކުގެ އިސްވެރިޔާއެވެ. އޭނާ ވަނީ ބޭރު ގައުމުތަކުގެ ރައްޔިތުންނަށް ޣައިރުގާނޫނީ ގޮތުގައި މަސައްކަތް ކުރުމުގެ ހުއްދައާއި ރެސިޑެންސީ ވިސާ ހޯދައިދިނުމަށްޓަކައި ފުލުހުންގެ ސައްހަނޫން ރިޕޯޓުތަކެއް ތައްޔާރުކޮށްފައެވެ.
މި ޣައިރުގާނޫނީ އަމަލުގައި ބައިވެރިވި ދައުލަތުގެ ހަތަރު މުވައްޒަފުންގެ މައްޗަށް ކޯޓުން އިއްވާފައިވަނީ ކޮންމެ މީހަކު ފަސް އަހަރަށް ޖަލަށް ލުމަށެވެ. މިއިން ކޮންމެ މުވައްޒަފަކުވެސް ޖަލަށް ލުމަށް ހުކުމްކުރެވުނީ އިމިގްރޭޝަންގެ ސައްހަނޫން ލިޔެކިއުންތައް ފާސްކޮށް، އެ ކަމަށް ހުއްދަ ދީފައިވާތީ އެވެ.
ފެޑެރަލް ކޯޓުން ނެރުނު މި ހުކުމާއެކު، ސައްހަނޫން ވިސާ އާއި ވޯކް ޕާމިޓް ހަދައިދިނުމުގެ މައްސަލަތަކުގައި ހިމެނޭ ފަރާތްތަކަށް ވަނީ ގާނޫނީ ގޮތުން ހައްގު އަދަބު ދެވިފަ އެވެ.
