މިއަދު ރައީސުލްޖުމްހޫރިއްޔާގެ އޮފީހުގައި ކުރިއަށްދިޔަ މި ބައްދަލުކުރެއްވުމުގައި، ރާއްޖެއާއި ސައުތު އޭޝިއަން ޔުނިވާސިޓީ އާ ދެމެދު މަތީ ތައުލީމުގެ ފުރުސަތުތައް ފުޅާކުރުމާ ގުޅޭގޮތުން ދެބޭފުޅުން މަޝްވަރާކުރެއްވި އެވެ. އަދި ދެފަރާތުގެ މަސްލަޙަތު ހިމެނޭ ދާއިރާތަކުން، ހާއްސަކޮށް ސިއްހަތާއި މޫސުމީ ބަދަލުތަކުގެ ދާއިރާއިން ތައުލީމު ފޯރުކޮށްދިނުމަށްޓަކައި ގުޅިގެން ކުރެވިދާނެ މަސައްކަތްތަކާ ގުޅޭގޮތުން ދެބޭފުޅުން ހިޔާލުބަދަލު ކުރެއްވި އެވެ.
މީގެ އިތުރުން، ޒުވާނުންނަށް އިތުރު ފުރުސަތުތައް ހޯދައިދިނުމަށްޓަކައި، އެ ޔުނިވާސިޓީ އާއި ރާއްޖޭގެ މަތީ ތައުލީމު ފޯރުކޮށްދޭ މަރުކަޒުތަކާ ދެމެދު ގުޅުން ބަދަހިކުރެވިދާނެ ގޮތްތަކާމެދުވެސް ދެބޭފުޅުން މަޝްވަރާ ކުރެއްވި އެވެ.