ads
ގަވައިދާ ހިލާފަށް އުޅުނު ބިދޭސީއެއް ފުލުހުންގެ ބެލުމުގެ ދަށަށް ގެންދަނީ
ގަވައިދާ ހިލާފަށް އުޅުނު 13،000 ބިދޭސީން ޑީޕޯޓްކޮށްލައިފިިން : ރައީސް
ބިދޭސީންގެ މައްސަލަ ހައްލުކުރުމަށް މި ސަރުކާރުން ކުރަމުން އަންނަ މަސައްކަތުގެ ދަށުން ގަވައިދާ ހިލާފަށް އުޅެމުންދިޔަ 13،000 ބިދޭސީން މިހާތަނަށް ޑީޕޯޓްކޮށްލާފައިވާކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެއެވެ.
Advertisement

މިދިޔަ ތިން އަހަރު ސަރުކާރުން ހޯދި ކާމިޔާބީތަކުގެ ވާހަކަތައް ދައްކަވަމުން ރައީސް މުއިއްޒު ވީދާޅުވީ ބިދޭސީންގެ މައްސަލަ ހައްލުކުރުމުގައި ސަރުކާރުން ބޮޑު ކާމިޔާބީއެއް ހޯދާފައިވާކަމަށެވެ. 

އެގޮތުން މި ސަރުކާރު ވެރިކަމަށް އައިއިރު ރާއްޖޭގައި އުޅޭ ބިދޭސިންގެ އަދަދުވެސް އުލެނީ ކޮންބައެއްކަންވެސް ނޭގޭކަމަށެވެ. އެހެންނަމަވެސް ބިދޭސީންގެ މައްސައްލަ ހައްލުކުރަން މި ސަރުކާރުން ފެށި މަސައްކަތުން ރާއްޖޭގައި ތިބި ބިދޭސީންގެ 99 އިންސައްތަ މީހުންގެ ދިހަ އިނގިލީގެ ނިޝާނާ ނަގާ އެއީ ކޮންބައެއްކަން މިހާރު ދެނެގަނެވިފައިވާކަމަށެވެ. އަދި އީ މުޅި ދުނިޔޭގެ ނިސްބަތުން ވެސް އެންމެ އެއް އިންސައްތަ ގައުމަށް ނޫނީ ހާސިލުކުރެވިފައި ނުވާފަދަ ބޮޑު ކާމިޔާބީއެއް ކަމަށް ރައީސް މުއިއްޒު ވިދާޅުވި އެވެ. 

ބިދޭސީންގެ ތެރެއިން ގަވައިދާ ހިލާފަށް ރާއްޖޭގައި އުޅެމުންދިޔަ 13،000 ވުރެ ގިނަ ބިދޭސީން މިހާރު ޑީޕޯޓްކޮށްލާފައިވާކަމަށްވެސް ރައީސް މުއިއްޒު ވިދާޅުވި އެވެ. 

" ރާއްޖެއިން މިއޮތީ މި ނަތީޖާ ހާސިލުކޮށްފައި. އިހުލާސްތެރިކަމާއެކު މަސައްކަތްކުރާނަމަ ކަންކަން ކާމިޔާބުވާނެކަމުގެ ފުރިހަމަ ޔަގީންކަން އޮންނަންވާނެ. ގަވާއިދާ ހިލާފަށް މަސައްކަތްކުރަމުންދިޔަ ބިދޭސީންގެ ރެކޯޑު އަދަދެއް މި މުއްދަތުގެ ތެރޭގައި މިވަނީ ފޮނުވާލެވިފައި. ޖުމްލަ 13،000 ބިދޭސީން މިހާރު ވާނީ ޑީޕޯޓުކުރެވިފައި،" ރައީސް މުއިއްޒު ވިދާޅުވި އެވެ.

ރާއްޖޭގައި ގަވައިދާ ހިލާފަށް އުޅޭ ބިދޭސީންގެ މައްސަލަ ތިން އަހަރު ދުވަހުގެ ތެރޭގައި ހައްލުކުރާނެކަމަށް ހޯމް މިނިސްޓަރު އަލީ އިހްސާން ވަނީ ވިދާޅުވެފަ އެވެ. 

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް