ads
ދިރާގު މޯލްޑިވްސް ރޯޑް ރޭސް 2026ގެ ތެރެއިން - ފޮޓޯ/ދިރާގު
5500 ވުރެ ގިނަ ދުވުންތެރިން ބައިވެރިވި ދިރާގު ރޯޑް ރޭސް ނިންމާލައިފި
ރާއްޖޭގައި ބާއްވާ އެންމެ ބޮޑު ދުވުމުގެ ހަރަކާތް ކަމަށްވާ "ދިރާގު މޯލްޑިވްސް ރޯޑް ރޭސް" (ޑީއެމްއާރްއާރް) ގެ 17 ވަނަ އެޑިޝަން 5،500 އަށް ވުރެ ގިނަ ދުވުންތެރިންގެ ބައިވެރިވުމާ އެކު ހުޅުމާލޭ ސެންޓްރަލް ޕާކުގައި ކާމިޔާބުކަމާއެކު މިއަދު ނިންމާލައިފި އެވެ.
Advertisement

މިއީ މި ރޭހުގެ ދިގު ތާރީހުގައިވެސް މިހާތަނަށް އެންމެ ގިނަ އަދަދަކަށް މީހުން ބައިވެރިވި ފަހަރެވެ. 

މި އަހަރުގެ ރޭހުގައި އެންމެ ފާހަގަކޮށްލެވޭ ކާމިޔާބީތަކެއް ހޯދީ ކެންޔާގެ ތައިރޫ ޗޭގޭ އަދި ނޭޕާލްގެ ސަންތޯޝީ ޝްރެސްތާ އެވެ. ފިރިހެނުންގެ ހާފް މެރަތަން ޗޭގޭ ކާމިޔާބުކުރީ އެއް ގަޑިއިރާއި 18 މިނެޓު 16 ސިކުންތުން، ނޭޕާލްގެ ސަންތޯޝް ބިކްރަމް ބިސްތާއާ ވާދަކޮށް އެންމެ ސިކުންތެއްގެ ތަފާތުންނެވެ.

މި ބައިން ތިންވަނަ ރާއްޖޭގެ ޝިފާޒް މުހައްމަދު ހޯދިއިރު، އަންހެނުންގެ ހާފް މެރަތަންގެ އެއްވަނަ ނޭޕާލްގެ ޝްރެސްތާ ހޯދީ އެއް ގަޑިއިރާއި 26 މިނެޓު 39 ސިކުންތުންނެވެ. ދެވަނަ އައިޝަތު ޖިނާނީ އިބްރާހީމް އަދި ތިންވަނަ ފާތިމަތު ޝީޒާ ހޯދިއިރު، ޗޭގޭ އާއި ޝްރެސްތާ ވަނީ ފަސް ކިލޯމީޓަރުގެ އޯޕަން ކެޓަގަރީން ވެސް އެއްވަނަ ހޯދައި ދެ ރަން މެޑަލް ކަށަވަރުކޮށްފަ އެވެ.

  • ދިވެހި އެތުލީޓުންނަށް 10 ކިލޯމީޓަރުގެ ވަނަތައް

10 ކިލޯމީޓަރުގެ އޯޕަން ކެޓަގަރީގައި ދިވެހި ދުވުންތެރިން ވަނީ ބޮޑު ކާމިޔާބީއެއް ހޯދާފަ އެވެ. ފިރިހެނުންގެ ބައިން ހުސައިން ފަޒީލް ހާރޫން (ފްލޭޝް) އެއްވަނަ ހޯދިއިރު، އަންހެނުންގެ ބައިން އެއްވަނަ ހޯދީ އައިޝަތު ރިޝްމީ އެވެ.

ފަޒީލާއި ރިޝްމީ ވަނީ 5 ކިލޯމީޓަރުގެ އޯޕަން ކެޓަގަރީން ވެސް ތިންވަނަ ހޯދާފަ އެވެ. 10 ކިލޯމީޓަރުގެ މާސްޓާސް ކެޓަގަރީން އެއްވަނަ ހޯދީ ކަރީމް މޭކޮކް އާއި ޒާރާ ރިޔާޒެވެ. އަދި ހާފް މެރަތަން މާސްޓާސް ބައިން އެއްވަނަ ހޯދީ އަސްވާން އަލީ އާއި ހުސްނާ މުހައްމަދެވެ

ކޮންމެ ދުވުންތެރިއެއްގެ ރަޖިސްޓްރޭޝަން ފީގެ ތެރެއިން 100ރ. އަދި ބިބް ނަންބަރު ވިއްކައިގެން ލިބުނު ފައިސާ މި ޖަމިއްޔާތަކަށް ހަމަހަމަކޮށް ބަހަން ހަމަޖެހިފައިވާއިރު، އެންމެ ގިނަ ވޯޓު ލިބުނު ފަސް ޖަމިއްޔާއަށް ދިރާގުން ޖުމްލަ 200،000ރ. ގެ ހާއްސަ އެހީއެއް ދިނުމަށް ވަނީ ނިންމާފަ އެވެ.

  • 12 ޖަމިއްޔާއަކަށް އެހީތެރިކަން

ކުޅިވަރުގެ އިތުރުން، ދިރާގު ރޯޑް ރޭހަކީ އިޖުތިމާއީ ކަންކަމަށް އަމާޒުކޮށްގެން ބާއްވާ ހަރަކާތެކެވެ.

މި އަހަރު ވެސް ކުޑަކުދިންގެ ހައްގުތަކާއި ސިއްހީ ދާއިރާގައި މަސައްކަތްކުރާ 12 ޖަމިއްޔާއަކަށް އެހީވުމަށް ފައިސާ އެއްކޮށްފައިވެ އެވެ.

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް