ads
އަނަންޔާ ޕާންޑޭ
ހަގީގީ ލޯބި ހޯދުމުގެ ޝައުގު އަދިވެސް އެބަހުރި: އަނަންޔާ
ބޮލީވުޑްގެ މަޝްހޫރު އެކްޓަރު އަނަންޔާ ޕާންޑޭ، ލޯތްބާއި ކައިވެންޏާ މެދު މި ޖީލުގެ ޒުވާނުން ދެކޭ ގޮތާ ބެހޭގޮތުން އޭނާގެ ހިޔާލު ހާމަކޮށްފިއެވެ. އޭނާ މި ވާހަކަތައް ދައްކާފައިވަނީ 2026 ވަނަ އަހަރުގެ ހިންދުސްތާން ޓައިމްސް ލީޑާޝިޕް ސަމިޓުގެ 24 ވަނަ އެޑިޝަންގައި ވާހަކަދައްކަވަމުންނެވެ.
Advertisement

މި ސަމިޓުގައި ހިންދުސްތާން ޓައިމްސްގެ އެންޓަޓެއިންމަންޓް އެންޑް ލައިފްސްޓައިލްގެ ޗީފް މެނޭޖިން އެޑިޓަރު ސޯނަލް ކަލްރާއާ އެކު ކުރިއަށްދިޔަ ބަސްދީގަތުމުގައި އަނަންޔާ ވަނީ އޭނާގެ ފިލްމީ ކެރިއަރާއި، މިހާރުގެ ބޮލީވުޑްގެ ހާލަތުގެ އިތުރުން އެހެނިހެން ގިނަ ކަންކަމާ ބެހޭގޮތުން ވާހަކަދައްކާފައެވެ. އެގޮތުން މި ވާހަކަތަކުގެ ތެރެއިން ކައިވެނިކުރުމާއި ދިރިއުޅުމެއް ފެށުމާ ގުޅޭގޮތުން ސުވާލުކުރެވުނެވެ.

އެ ސުވާލަށް ޖަވާބުދެމުން އަނަންޔާ ބުނީ، ލޯބީގެ ކަންކަމުގައި ކުރީގެ ޖީލުތަކާ އަޅާބަލާއިރު މި ޖީލުގެ މީހުންނަށް މިހާރު މާ ގިނަ އޮޕްޝަންތަކެއް އެބަހުރި ކަމަށެވެ. ނަމަވެސް، އޮޕްޝަންތައް ގިނަވުމުގެ ސަބަބުން ލޯތްބާ މެދު މި ޖީލުގެ މީހުން ދެކޭ އަސްލު ގޮތަށް އެއްވެސް ބަދަލެއް އައިސްފައި ނުވާކަން އޭނާ ފާހަގަކުރިއެވެ.

އަނަންޔާ ބުނީ، "އަޅުގަނޑު ގަބޫލުކުރާ ގޮތުގައި މިހާރު އަޅުގަނޑުމެންނަށް މާ ގިނަ އޮޕްޝަންތަކެއް އެބަހުރި. އެކަމަކު އޭގެ މާނައަކީ އަޅުގަނޑުމެން ހަގީގީ ލޯބި ގަބޫލުނުކުރާ ވާހަކައެއް ނޫން. އަޅުގަނޑުމެން ވެސް އަދިވެސް މި ތިބީ ހަމަ އެ ހަގީގީ ލޯބި ހޯދުމުގެ ޝައުގުގައި،" މިހެންނެވެ.

އަނަންޔާ ފާހަގަކުރި ގޮތުގައި ޒަމާނަށް އައި ބަދަލުތަކާއެކު ގުޅުންތައް ބަދަހިކުރުމުގައި ތަފާތު ފުރުސަތުތަކެއް ހުޅުވިފައިވީ ނަމަވެސް، ހަގީގީ ލޯތްބާއި ވަފާތެރިކަމަށް ޒުވާނުން ކުރާ އުންމީދު އަދިވެސް އޮތީ ކުރިއެކޭ އެއްގޮތަށެވެ.

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް