Advertisement

ހދ. ނޮޅިވަރަމްގައި ފަތިސް ނަމާދު ޖަމާއަތުގައި ކޮށްގެން ފައިސާގެ އިނާމު ހޯދުމަށް މިހާތަނަށް ހަތް ކުދިން ނަން ނޯޓުކޮށްފި އެވެ.

ޖަމިއްޔަތުއްރިސާލާގެ ފަރާތުން ކުރިއަށް ގެންދާ މިޕްރޮގުރާމުގައި މެދުކެނޑުމެއްނެތި 40 ރޭ ނަމާދުކުރާ ކުދިންނަށް 1000 ރުފިޔާގެ ފައިސާގެ އިނާމު ހުށަހަޅާފައިވާ ކަމަށް އެޖަމިއްޔާއިން ބުނެ އެވެ.

މިޕްރޮގުރާމުގައި ބައިވެރިވެވެނީ ނޮޅިވަރަމްގެ އުމުރުން 10 އަހަރާއި 15 އަހަރާ ދެމެދު ކުދިންނަށެވެ.

މިޕްރޮގްރާމުގައި ބައިވެރިވާ ކުދިންގެ ތެރެއިން ފައިސާގެ އިނާމު ލިބެނީ ފުރަތަމަ ތަކްބީރާއެކު ޖަމާއަތުގައި ބައިވެރިވާ ކުދިނަށް ކަމަށްވެސް އެޖަމިއްޔާއިން ބުނެ އެވެ.

މިހާތަނަށް ހަތް ކުދިން މިޕްރޮގުރާމުގައި ބައިވެރިވެފައިވާއިރު އެޖަމިއްޔާއިން ބުނީ މިފަދަ ޕްރޮގުރާމެއް ފަށާފައިވަނީ ފަތިހު ޖަމާއަތުގައި ނަމާދުކުރާ މީހުންނާއި ކުދިން މަދުވުމުންނާއި ކުދިން ނަމާދު ކުރުމަށް ޝައުގުވެރިކަން އިތުރުކުރުމުގެ ގޮތުން ކަމަށެވެ.