ގޮއިދޫ ރައްޔިތުން ލޯޔަލް އައިލެންޑް ކަރަންޓީން ފެސިލިޓީއަށް އެހީވުން--
ގޮއިދޫ ރައްޔިތުންގެ ފަރާތުން ކަރަންޓީން ފެސިލިޓީގައި ތިބި މީހުންނަށް ރޯދަވިއްލުމެއް!
މާއިދާ މުހައްމަދު ރަޝާދު
20 މޭ 2020 - 19:24:41
ބ. ގޮއިދޫ ރައްޔިތުންގެ ފަރާތުން އެއަތޮޅުގައި ހިންގަމުން އަންނަ ރޯޔަލް އައިލެންޑް ރިސޯޓުގައި ކަރަންޓީނުގައި ތިބި މީހުންނަށް ރޯދަ ވިއްލުމެއް ދީފި އެވެ.
ގޮއިދޫ ސްޕޯޓްސް އެންޑް ޔޫތު ޑިވެލޮޕްމަންޓް ސޮސައިޓީން އިސްނަގައިގެން ކުރިއަށް ގެންދިޔަ އެ ހަރަކާތުގައި ގޮއިދޫގެ ހުރިހާ ރައްޔިތުން ވަނީ ބައިވެރިވަފަ އެވެ.
އެ ޖަމިއްޔާގެ ރައީސް ހަސަން ނިޒާމު، މިއަދު ސީއެންއެމްއަށް ވިދާޅުވީ، ކަރަންޓީން ފެސިލިޓީއަށް ހަދިޔާކުރި ޖޫހާއި ތަފާތު އެކި ހެދިކާއަކީ ރަށުގެ ރައްޔިތުން ތައްޔާރުކުރި ސާމާނު ކަމަށެވެ.
އަދި ވިދާޅުވީ އެކަމުގައި ބައިވެރިވުމުގެ ގޮތުން ހެޔޮ އެދޭ އެކި ފަރާތްތަކުން ފެނާއި، ޕާރުސަލް ތަށި އަދި ކަރަޔާއި ކަދުރު ފަދަ ތަކެތި ވެސް ވަނީ ޖަމިއްޔާއަށް ހަދިޔާކޮށްފައި ކަމަށެވެ.
"ރޯޔަލް އައިލެންޑަށް ހަދިޔާކުރަން ނިންމީ އެތަނަކީ ރަށާއި ކައިރި ތަނަކަށްވެފައި އެތަނާއި އޮންނަ ގުޅުން ވެސް ރަނގަޅުވީމަ. އަނެއްކާ އަތޮޅުގެ ވަރަށް ގިނަ ބަޔަކު ވެސް އެތަނުގަ ކަރަންޓީންގަ އެބަތިބި،" ނިޒާމް ވިދާޅުވި އެވެ.
ނިޒާމް ވިދާޅުވި ގޮތުގައި 275 ޕާރުސަލް ވަނީ އެ ކަރަންޓީން ފެސިލިޓީއަށް ފޮނުވާފަ އެވެ. އަދި މިތަކެތި ކަރަންޓީނުގައި ތިބި މީހުންނާއި ހިސާބަށް ގެންގޮސްފައި ވަނީ ރިސޯޓުގެ ލޯންޗެއްގައިކަން ވެސް ނިޒާމް ފާހަގަކުރައްވަ އެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
