ނޭޝަނަލް އެމަޖަންސީ އޮޕަރޭޝަން ސެންޓަރު (އެންއީއޯސީ) އިން ދަރުބާރުގޭގައި މިރޭ ކުރިއަށް ގެންދިޔަ ނޫސްވެރިންގެ ބައްދަލުވުމުގައި ވާހަކަ ދައްކަވަމުން ޑރ. އަފްޒަލް ވިދާޅުވީ ފަތިސް ގަޑީގައި ކަސްރަތު ކުރުމަށާއި، ހިނގަން ނިކުމެ އުޅޭ ދުވަސްވީ މީހުން މާސްކު އަޅަން ނުޖެހޭނެ ކަމަށެވެ.
ޑރ. އަފްޒަލް ވިދާޅުވީ އެ ގަޑީގައި ބޭރަށް ނިކުމެ އުޅޭ މީހުންނަށް އެންމެ ރަނގަޅު ގޮތަކީ މާސްކު ނޭޅުން ކަމަށެވެ. އެގޮތުން، ކަސްރަތު ކޮށް، ހިނގާ ހަދަން ފަތިހު ބޭރަށް ނިކުމެ އުޅޭއިރުގައި، މާސްކު އަޅައިގެން ކަސްރަތު ކުރުމަށް އުޅެއްޖެނަމަ ނޭވާލުމަށް އުނދަގުވުމަކީ އެކަށީގެންވާ ކަމެކެވެ.
ޑރ. އަފްޒަލް ވިދާޅުވީ ހަށިގަނޑަށް މާބާރު ލައިފިނަމަ ހަށިގަނޑަށް ބޭނުންވާ ވަރަށް އޮކްސިޖެން ނުލިބުމަކީ އެކަށީގެންވާ ކަމެއް ކަމަށާއި، މިހެން ވުމުން ކަސްރަތުކޮށް އުޅޭއިރު އެކަހެރިކޮށް ކަސްރަތު ކުރުމަކީ މުހިންމު ކަމެއް ކަމަށެވެ.
ޑރ. އަފްޒަލް އިތުރަށް ވިދާޅުވި ގޮތުގައި، ބޭރަށް ނިކުމެ އުޅޭއިރުގައި އެ ގަޑީގައި ދުވަސްވީ މީހުންނާއި ކުޑަކުދިން އަދި ދުވަސްވީ މީހުންނާއި އެކީ ކުޑަ ކުދިން ވެސް އުޅޭ މަންޒަރު ފެންނަ ކަމަށެވެ. އެހެންވުމުން ބޭރަށް ނިކުމެ އުޅޭއިރުގައި ގައިދުރުކަން ބެހެއްޓުމަށް ވަނީ އިލްތިމާސްކޮށްފަ އެވެ.