ސައީދު މިއަދު ކުރެއްވި ޓްވީޓްގައި ވިދާޅުވީ މުސްތަގުބަލުގައި ތަރައްގީވާންވީ އިންޑަސްޓްރިއަލްއާއި ކޮމާޝިއަލްގެ އިތުރުން ރެޒިޑެންޝަލް ޒޯން ކުރެވި ޖާގަ އޮތް ތަރައްގީއަކަށް ކަމަށެވެ.
ސައީދު އިތުރަށް ވިދާޅުވީ ރައީސް އަބްދުﷲ ޔާމީނުގެ ސަރުކާރުން ތިލަފުށީގައި ޕޯޓު އަޅަން ނިންމީ ރާއްޖޭގެ އިގްތިސޯދު ފުޅާކޮށް މެރިޓައިމް ކޮމާންސްގެ ފައިދާ އެންމެ ފުޅާ މިނެއްގައި ނެގުމަށް ކަމަށާއި އަދި ތިލަފުއްޓާއި ގުޅީފަޅުގެ އިތުރުން ވިލިމާލެ އާއި މާލެ ހިމެނޭ ގޮތަށް ބްރިޖަކުން ގުޅުމާލުމުގެ ބޭނުމުގައި ކަމަށެވެ.
އަދި ތިލަފުއްޓަކީ ބިން އޮތް ބިން ބޮޑުކުރެވޭނެ ސަރަހައްދެއްކަން ފާހަގަކޮށް ސައީދު ވިދާޅުވީ މި ސަރުކާރު ތިލަފުށީގައި އަޅަން އޮތް ޕޯޓު ގުޅީފަޅަށް ބަދަލުކުރަން ނިންމުމުގައި އުތުރު ތިލަފުށީގައި އަސްކަރީ ބަނދަރެއް ހަދަން ބަޔަކަށް ދީފައި ވޭތޯ އާއި އެކަމާއި އެ ނިންމުމައި ގުޅުމެއްވޭތޯ ޔަގީންކުރަން ޖެހެ އެވެ.
