ދެހާސް ބާވީސްވަނަ އަހަރު ގަތަރުގައި ބާއްވާ ފީފާ ވޯލްޑްކަޕް ފުޓްބޯޅަ މުބާރާތަށް ހާއްސަކޮށް ހެދި ތިންވަނަ ސްޓޭޑިއަމް މިއަދު ދައްކާލާނީ، ސޯޝަލް މީޑިއާގައި ކުރިއަށް ގެންދާ ހާއްސަ ޑިޖިޓަލް ޝޯއެއްގައެވެ. މި ޝޯ ހާއްސަކޮށްފައިވަނީ ކޮވިޑާ ގުޅިގެން ފްރަންޓް ލައިންގައި މަސައްކަތް ކުރާ ސިއްހީ ހިދުމަތްތެރިންގެ އަގުވަޒަން ކުރުމަށެވެ.
ދަ އެޑިއުކޭޝަން ސިޓީ ސްޓޭޑިއަމް
ސާޅިސް ފަސްހާސް މީހުންނަށް ކުޅިބަލަން ވަދެވޭ ގޮތަށް ފަރުމާކޮށްފައިވާ މި ސްޓޭޑިއަމް ހުންނަނީ ގަތަރުގެ ވެރިރަށް ދޯހާގެ ކައިރި ސިޓީއެއް ކަމަށްވާ އައްރައްޔާންގައެވެ. މިއީ ގަތަރުގެ އެންމެ މަތީ ފެންވަރުގެ ގިނަ ޔުނިވަސިޓީތަކެއް ހިމެނޭ ސަރަހައްދެއްގައެވެ.
އެޑިއުކޭޝަން ސްޓޭޑިއަމް---
މި ސްޓޭޑިއަމަށް "ދަ އެޑިއުކޭޝަން ސިޓީ ސްޓޭޑިއަމް" ގެ ނަމުން ނަންދީފައިވަނީވެސް ސްޓޭޑިއަމް ހިމެނޭ ސަރަހައްދަކީ ޔުނިވަސިޓީތައް ހިމެނޭ ސަރަހައްދެއް ކަމަށްވާތީއެވެ. ދެހާސް ބާވީސްވަނަ އަހަރުގެ ވޯލްޑްކަޕުގެ ކުއާޓަ ފައިނަލާ ހިސާބައް މި ސްޓޭޑިއަމްގައި މެޗުތައް ކުޅުމަށް ފީފާއިންވަނީ ނިންމާފައެވެ.
ހުރިހާ ސްޓޭޑިއަމެއްގެ މަސައްކަތްވެސް ބާރު ސްޕީޑެއްގައި ކުރިއަށްދާއިރު މިހާތަނަށް ގާތްގަނޑަކަށް އަށްޑިހަ ޕަސެންޓް މަސައްކަތް ނިމިފައިވާ ކަމަށް ގަތަރުން ބުނެއެވެ. އަދި މަސައްކަތްތައް ޝެޑިއުލާ އެއްގޮތަށް ނިންމާލެވޭނެ ކަމަށްވެސް ގަތަރުން ބުނެއެވެ. އަދި މިއަހަރުގެ ތެރޭގައި އިތުރު ދެ ސްޓޭޑިއަމެއްގެ މަސައްކަތް އެއްކޮށް ނިންމާލެވޭނެ ކަމަށްވެސް ގަތަރުން ބުންޏެވެ.
