ރައްޔިތުންގެ މަޖިލީހުގެ ސަލާމަތީ ހިދުމަތްތަކާއި ބެހޭ ކޮމިޓީން ދިވެހި ފުލުހުންގެ ހިދުމަތުގެ ބިލާއި ގުޅޭގޮތުން ބޭއްވި ޕްރެސް ކޮންފަރެންސްގައި ނޫސްވެރިއަކު ކުރި ސުވާލަކަށް ޖަވާބު ދެއްވަމުން އަސްލަމް ވިދާޅުވީ އެއްވެސް މުއައްސަސާއެއް ޖަވާބު ދާރީ ކުރުވުމަކީ ނުފޫޒު ފޯރުވުން ނޫންކަމަށެވެ.
އެފަދަ ގޮތަކަށް އެއްވެސް ކަމެއް ހިނގައިގެން ނުވާނެ ކަމަށް އަސްލަމް ވިދާޅުވި އެވެ. އެހެން ނަމަވެސް މައްސަލައެއް ހިނގަމުންދާއިރު އެ މައްސަލައެއް ލަސްވާ ސަބަބާއި، ހުރި ދަތިތަކާއި އެމައްސަލަތައް ނުބަލާ ސަބަބެއް ކޮމިޓީއަށް ސާފު ކުރުމަކީ ސިޔާސީ ނުފޫޒު ފޯރުވުން ނޫންކަމަށެވެ.
އަސްލަމް ވިދާޅުވީ ފުލުހުންގެ މުއައްސަސާއާއި އެހެން މުއައްސަސާތަކަށް ވެސް ދިމާވާ އެންމެ ބޮޑު ގޮންޖެހުމަކީ ސިޔާސީ ނުފޫޒު ފޯރުން ކަމަށް ގަބޫލުކުރާކަމަށެވެ. ކުރީގެ ރައީސް އަބްދުﷲ ޔާމީންގެ ވެރިކަމުގައި އެފަދަ ކަންތައްތަކެއް ހިނގާފައިވާކަމަށާއި އެހެން ނަމަވެސް މި ބިލުން ފުލުހުންގެ މުވައްސަސާގެ މިނިވަންކަން ކަށަވަރު ކުރެވިގެން ދާނެކަމަށް އަސްލަމް ވިދާޅުވި އެވެ.