އެ އެއާލައިނުން ކޮށްފައިވާ ޓްވީޓެއްގައި ބުނެފައި ވަނީ އަލުން ދަތުރުފެށިއިރު އިތުރު ހަތް މަންޒިލަކަށް ދަތުރުކުރާނެ ކަމަށެވެ.
އެގޮތުން ޖުލައި ތިން ވަނަ ދުވަހު އެމިރޭޓްސް އިން ޙާތޫމް އަށް ދަތުރުތައް ފަށާނެ ކަމަށާއި ޖުލައި ފަސް ވަނަ ދުވަހު އެތިންސް، ލާނަކާ އަދި ރޯމް އަށް އެ އާލައިނުން ދަތުރުތައް ފަށާނެ ކަމަށް ބުނެ އެވެ. އޯސަކަ އަށް ޖުލައި ހަތް ވަނަ ދުވަހު ދަތުރުތައް ފަށަން ނިންމާފައި ވާއިރު، ޖުލައި އަށް ވަނަ ދުވަހު ނަރީޓާ އަށް ވެސް ދަތުރުތައް ފެށުމަށް ވަނީ ހަމަޖެހިފަ އެވެ.
އޭގެ އިތުރުން އޮކްލޭންޑް، ބެއިރުޓް، ހަނޮއީ އަދި ހޮ ޗީ މިން އަށް ޖުލައި އެއް ވަނަ ދުވަހު އެމިރޭޓްސް އިން ދަތުރުތައް ފަށާނެ ކަމަށް އެ އާލައިން ވަނީ ބުނެފަ އެވެ. އެއާލައިން އިން ބާސެލޯނާ، ބްރަސެލްސް، މިއުނިކް އަދި ވޮޝިންގްޓަން އަށް ޖުލައި 15 ގައި ދަތުރުތައް ފަށާނެ ކަމަށް ބުނެ އެވެ.
އެމިރޭޓްސް އިން ވަނީ ލަންޑަން، ހީތްރޯ، ފްރޭންކްފާޓް، ޕެރިސް، މިލާން، މެޑްރިޑް، ޗިކާގޯ، ޓޮރޮންޓޯ، ސިޑްނީ، މެލްބޯން، މަނީލާ، ކާބުލް، ބަހްރައިން، މެންޗިސްޓާ އަދި ޒުރިޗް އަށް ދަތުރުތައް ފަށާފަ އެވެ.
