ޝުޖާޢު އުސްމާނާ ހަވާލާދީ ހައިކޯޓުން މިހެން ބުނެފައިވަނީ، އިސްފަނޑިޔާރު ޝުޖާޢު އުސްމާނާ ބައްދަލުކުރުމަށް އެދި އިދިކޮޅު ކޯލިޝަނުން ފޮނުވި ސިޓީގެ ޖަވާބުގައި އަންގާރަ ދުވަހުއެވެ.
ފަސް އަހަރުގެ ޖަލު ހުކުމެއް ތަންފީޒުކުރަމުންދާ ރައީސް ޔާމީންގެ މައްސަލައިގެ އިސްތިއުނާފު ލަސްވަމުންދާ ކަމަށް ބުނެ، އިދިކޮޅު ކޯލިޝަނުން ވަނީ ކަންބޮޑުވުންފާޅުކޮށްފައެވެ. އަދި ހައިކޯޓުގެ އިސް ބޭފުޅުންނާ ބައްދަލުކުރުމަށްކަމަށް ވިދާޅުވެ، އެ ކޯލިޝަންގެ ބައެއް ބޭފުޅުން މިއަދު މެންދުރެއްހާއިރު ހައިކޯޓަށްވެސް ވަޑައިގަތެވެ.
އިދިކޮޅު ކޯލިޝަނުން ހައިކޯޓަށް ފޮނުވި ސިޓީގެ ޖަވާބުގައި، ހައިކޯޓުން ބުނެފައިވަނީ މައްސަލައިގެ ޚަސްމެއްކަމުގައި ނުހިމެނޭ ފަރާތަކާއި ބައްދަލުކުރެވެން ނެތް ކަމަށް، ރައީސް ނަޝީދުގެ މައްޗަށް ތޭރަ އަހަރުގެ ޖަލު ހުކުމެއް އިއްވި ފަނޑިޔާރުންގެ ބެންޗުގައި ހިމެނޭ އިސް ފަނޑިޔާރު ޝުޖާއު އުސްމާނު ވިދާޅުވި ކަމަށެވެ.
ރިޔާސީ ކެމްޕެއިންގައި ރައީސް ޔާމީނުގެ އަރިހުގައި ޝުޖާޢު އުސްމާނު
ޔާމީންގެ މައްސަލައިގައި އިދިކޮޅު ފަރާތްތަކާއި ބައްދަލުކުރައްވަން ހައިކޯޓުގެ އިސްފަނޑިޔާރު ޝުޖާއު އުސްމާނު ދެކޮޅު ހެއްދެވި އިރު، މިދިޔަ ރިޔާސީ އިންތިޚާބުގެ ތެރޭގައި ރައީސް ޔާމީނާއި އެކު ޕީޕީއެމްގެ ކެމްޕެއިން ހަރަކާތެއްގައި ޝުޖާޢު އުސްމާނު ބައިވެރިވެފައިވާ ކަމަށް ތުހުމަތު ކުރާ މައްސަލައެއް ޖޭއެސްސީއަށް ހުށަހަޅާފައިވެއެވެ. އަދި މީގެ އިތުރުންވެސް ޝުޖާޢު އުސްމާނުގެ ތަފާތު ހަތަރެއް ނުވަތަ ފަސް މައްސަލައެއް ޖޭއެސްސީން އަންނަނީ ބަލަމުންނެވެ.
