އޭޑީކޭ ހޮސްޕިޓަލަށް ގެނައި ޕީސީއާރު މެޝިން--
ޅ. އަތޮޅު ހޮސްޕިޓަލަށް ގެންދިޔަ ޖީންއެކްސްޕާޓް މެޝިން ބ. އަތޮޅަށް ގެންދަނީ
07 ޖުލައި 2020 - 11:10:21
ދުނިޔޭގެ ސިއްހަތުގެ ޖަމިއްޔާ (ޑަބްލިއުއެޗްއޯ) ގެ ހެޔޮއެދުން ތަކާއި އެކު ޅ. އަތޮޅު ހޮސްޕިޓަލަށް ހަދިޔާ ކުރި ޖީންއެކްސްޕާޓް މެޝިން ބ. އަތޮޅު ހޮސްޕިޓަލަށް ގެންދަން ނިންމައިފިއެވެ.
Advertisement
މިކަމާއި ގުޅިގެން ސީއެންއެމްއަށް މައުލޫމާތު ދެއްވަމުން ހެލްތު އެމެޖެންސީ އޮޕަރޭޝަން ސެންޓަރު (އެޗްއީއޯސީ) ގެ ތަރުޖަމާން ޑރ. ނަޒްލާ ރަފީގް ވިދާޅުވީ ޅ. އަތޮޅު ހޮސްޕިޓަލުގައި ހުރީ އަދި އިންސްޓޯލް ނުކުރާ ޕީސީއާރު މެޝިނެއް ކަމަށެވެ. އެހެން ނަމަވެސް ބ. އަތޮޅު ހޮސްޕިޓަލަކީ ކޮވިޑް ހޮސްޕިޓަލެއްގެ ގޮތުގައި ތަރައްގީ ކުރާ ހޮސްޕިޓަލެއް ކަމަށާއި ޅ. އަތޮޅު ހޮސްޕިޓަލަށް ފަހުން ޖީންއެކްސްޕާޓް މެޝިނެއް ފޯރު ކޮށްދޭނެ ކަމަށް ވިދާޅުވި އެވެ.
"ޅ. ގައި ހުރީ އަދި އިންސްޓޯލް ނުކުރާ ޖީންއެކްސްޕާޓް މެޝިނެއް. ބ. ހޮސްޕިޓަލްއަކީ ކޮވިޑް ހޮސްޕިޓަލެއްގެ ގޮތުގައި ތަރައްގީ ކުރާ ހޮސްޕިޓަލަކަށް ވީމަ އެތަނަށް މިވަގުތު މޫވް ކުރަނީ. ޑަބްލިއުއެޗްއޯ އިން އަދި އެބަ ލިބޭ ޖީންއެކްސްޕާޓް މެޝިންސް. ލިބުމުން ޅ. އަށްވެސް ދެވޭނެ." ޑރ. ނަޒްލާ ވިދާޅުވިއެވެ.
ޕީސީއާރު އަދި ޓީބީ އަށް ޓެސްޓް ކުރެވޭ މި މެޝިން ބ. އަތޮޅު ހޮސްޕިޓަލަށް ބަދަލުކުރުމަށް ހެލްތު މިނިސްޓްރީން ވަނީ ޅ. އަތޮޅު ހޮސްޕިޓަލަށް ލިޔުމުން އަންގާފައެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
