މިއަދު ކުރިއަށް ގެންދިޔަ މަސްއޫލިއްޔަތު އަދާކުރާ މިންވަރުބަލާ ކޮމިޓީގެ ބައްދަލުވުމުގައި ވަނީ މިނިސްޓަރު ޒަހާ ކޮމިޓީއަށް ހާޒިރު ކުރުމަށް ހުށަހަޅާފައިވާ މައްސަލައާއި ގުޅޭގޮތުން ވާހަކަ ދައްކާފައެވެ.
އެގޮތުން ޖާބިރު ވާހަކަ ދައްކަވަމުން ވިދާޅުވީ މަސްވެރިކަމާ ދަނޑުވެރިކަމަކީ އިގްތިސާދުގެ ވަރަށްބޮޑު ބައެއް ކަމަށާއި، އެހެން ނަމަވެސް ބައެއް ކަންކަމުގައި ޕޮލިސީ ނެތްކަމަށް ބުނެ ކަންކަން ކުރުން ހުއްޓުވާކަމަށެވެ.
ޖާބިރުގެ ވާހަކައަށް ފަހު ސަރުކާރު މަސްއޫލިއްޔަތު އަދާކުރާ މިންވަރުބަލާ ކޮމިޓީގެ މުގައްރިރު ފަލާހް ވިދާޅުވީ، ސަރުކާރު މަސްއޫލިއްޔަތު އަދާކުރާ މިންވަރުބަލާ ކޮމިޓީގެ އެއްވެސް މެމްބަރަކު އަމިއްލަ ވިޔަފާރިއާއި މަސްލަހަތު ހިމެނޭ ކަންކަމެއް ނުވުމުން މިނިސްޓަރަކު ޖަވާބުދާރީ ކުރުވަން ގެނައުމަކީ ރަނގަޅު ކަމެއް ނޫންކަމަށެވެ.
ފަލާހުގެ ވާހަކަތަކާއި ގުޅިގެން ޖާބިރު ހިތްހަމަނުޖެހުން ފާޅުކޮށް ކޮމިޓީގައި ވާހަކަ ދައްކާފައިވެއެވެ.
މިނިސްޓަރު ޒަހާ ސަރުކާރު މަސްއޫލިއްޔަތު އަދާކުރާ މިންވަރުބަލާ ކޮމިޓީއަށް ހާޒިރު ކުރުމަށް ހުށަހެޅި މައްސަލައަށް ވޯޓަށް އެހިއިރު އެ ކަން ފާސް ވެފައެއް ނުވެއެވެ.
