ސީއެންއެމްގެ އިތުރުކާފު ޕްރޮގްރާމުގައި ރޭ ވާހަކަ ދައްކަވަމުން ނިހާން ވިދާޅުވީ، ރައީސް ނަޝީދު ގަބޫލުކުރައްވާ ހަމަތައް ޕްރޮމޯޓްކުރުމަށްޓަކައި ކޮންމެ ފަދަ ހާލަތަކަށް ވެސް ގޮސްދާނެ ކަމަށާއި އަދި ކޮންމެ ވާހަކައެއް ވެސް ދައްކަވާފާނެ ކަމަށެވެ.
ރައީސް ނަޝީދަށް ވަރަށް ބޮޑަށް ފާޑުވިދާޅުވެ، ނިހާން ވަނީ، އެމަނިކުފާނު ވާހަކަފުޅު ދައްކަވަނީ އެއްވެސް ދިރާސާ ކުރުމެއް ނެތި ކަމަށާއި އަދި އެމަނިކުފާނަށް ފެނިވަޑައިގަންނަވާ ކުޑަ ކަމެއްގެ ތެރެއިން ކޮންމެވެސް ވާހަކަފުޅެއް ހަމަ ދައްކަވަނީ ކަމަށެވެ.
ނިހާން ވިދާޅުވީ، 2008 ވަނަ އަހަރު ނަޝީދު ވެރިކަމަށް ގެނައުމުން، އިގްތިސޯދީ ގޮތުން ގެނައި ބައެއް ބަދަލުތަކުގެ ސަބަބުން ރާއްޖޭގެ ޒަމާންވީ ތަރިކައިގެ ތެރޭގައި ހިމެނޭ ބައެއް ކަންކަމާއި ދިވެހި ދައުލަތުގެ ކުންފުނިތަކުގައި ހިމެނޭ ބައެއް ކަންކަމަށް ގެއްލުންތައް ލިބޭ ގޮތަށް ފިޔަވަޅުތައް އަޅުއްވާފައިވާ ކަމަށެވެ.
