އެމްޓީސީސީން ބުނީ އެ މަޝްރޫއުގެ ދަށުން ބަނދަރު ބޮޑުކޮށް، ބޮޑެތި އުޅަނދު ފަހަރަށް ކައިރި ކުރެވޭ މިންވަރަށް ފަޅު ފުން ކުރުމުގެ މަސައްކަތްތައް ހިމެނޭ ކަމަށެވެ.
ދަރަނބޫދޫ ބަނދަރު ތަރައްގީކުރުމުގެ މަޝްރޫއުގެ ދަށުން އެ ރަށުގައި 410 މީޓަރު ބޭރު ތޮއްޓަކާއި 196 މީޓަރުގެ އެއްގަމު ތޮއްޓެއް ލުމުގެ މަސައްކަތްތަށް ކުރިއަށް ގެންދެވޭނެ ކަމަށް އެ ކުންފުނިން ބުނެއެވެ.
މީގެ އިތުރުން 46،600 ކިއުބިކް މީޓަރުގެ ސަރަހައްދެއް ފުން ކުރުމާއި 4000 އަކަމީޓަރުގެ ނެރެއް ފުންކުރުމުގެ އިތުރުން 60 މީޓަރުގެ ރިވެޓްމަންޓް ޖެހުން ވެސް އެ މަޝްރޫއުގެ ދަށުން ކުރިއަށް ގެންދާނެ އެވެ.
އެމްޓީސީސީން އިތުރަށް ބުނީ އެ ރަށުގައި 10 މޫރިން ބުލޮކް ލުމާއި، 10 ބަނދަރު ބައްތި ހަރުކުރުމާއި، ދެ ނެރުބައްތި ހަރުކުރުމުގެ މަސައްކަތްތައް ވެސް ކުރިއަށް ގެންދެވޭނެ ކަމެވެ.
ދަރަނބޫދޫ ބަނދަރު ތަރައްގީ ކުރުމުގެ މަސައްކަތް އެމްޓީސީސީ އާ ހަވާލުކޮށްފައި ވަނީ މިދިޔަ ޑިސެމްބަރު މަހުއެވެ. އެކުންފުނިން ބުނީ 397 ދުވަހުގެ ތެރޭގައި ނިންމޭނެ ކަމަށް ލަފާ ކުރެވޭ އެ ޕްރޮޖެކްޓަށް 38.2 މިލިއަން ރުފިޔާ ހަރަދުވާނެ ކަމަށެވެ،
