ހަލީލް މިހެން ވިދާޅުވެފައިވަނީ " ލޮކްޑައުންނާއި ހިލާފްވި މީހުންނަށް ދައުވާ ނުކުރަން ނިންމައިފި" މި ސުރުހީގެ ދަށުން ސީ.އެން.އެމް ގައި ޝައިއުކޮށްފައިވާ އާޓިކަލްގެ ފޮޓޯއެއް ހިއްސާ ކުރައްވާ ކުރެއްވި ޓުވީޓެއްގައެވެ.
ހަލީލު ވިދާޅުވީ، "ރޯޔަލް" ރޭޕް ކޭސް އާއި، އެމްއެމްޕީއާރުސީގެ ހިޔާނާތް ތަހުގީގުކުރާނެ މާހައުލެއް ނެތްކަމަށް ބައެއް ޕޮރޮސެކިއުޓަރުން ވިދާޅުވަނީ މިހެންވެ ކަމަށް ވެދާނެކަމަށެވެ.
ކޮވިޑް-19 އާ ގުޅިގެން އިއުލާންކުރި ލޮކްޑައުންއާ ހިލާފުވެގެން ޝަރުއީ ކޯޓުތަކަށް ހުށަހެޅި ޖިނާއީ ހުރިހާ ދައުވާތައް އަނބުރާ ފުލުހުންގެ އިދާރާއަށް ފޮނުވާލުމުގެ މަސައްކަތް ކުރަމުންދާ ކަމަށް ޕީޖީ އޮފީހުން ބުނެފައިވެއެެވެ.
ލޮކްޑައުންއާ ހިލާފުވެގެން ކޮށްފައިވާ ޖޫރިމަނާ ތަންފީޒުކޮށް އެފައިސާ ހޯއްދެވުމަށް ދައުލަތުން ކުރަންޖެހޭ ކަންކަން ކުރުމަށް، ދައުލަތުގެ މުއައްސަސާތަކަށް އަންގާނެ ކަމަށް ވެސް ޕީޖީ އޮފީހުން ބުނެފައިވެ އެވެ.
