ހެލްތު ޕްރޮޓެކްޝަން އެޖެންސީން ބުނީ މަރުވެފައި ވަނީ 52 އަހަރުގެ ދިވެހި އަންހެނެއް ކަމަށެވެ.

މިއީ ކޮވިޑް ޖެހިގެން ރާއްޖެއިން މަރުވި 17 ވަނަ މީހާ އެވެ.

އެޗްޕީއޭ އިން ބުނީ މިރޭ 11:20 ގައި މަރުވި އެމީހާއަކީ އައިޖީއެމްއެޗުގައި ފަރުވާ ދެމުންދިޔަ މީހެއް ކަމަށެވެ. 

އެޗްޕީއޭ އިން ބުނި ގޮތުގައި އެމީހާއަކީ އިއްޔެ 4:40 ގައި ނޭވާލާން އުނދަގޫވެގެން އައިޖީއެމްއެޗުގެ އިމަޖަންސީ ރޫމުން ފަރުވާ ހޯދަން އައި މީހެކެވެ. 

ރާއްޖެއިން ކޮވިޑް ޖެހިގެން މަރުވި މީހުންގެ ތެރޭގައި އެންމެ ގިނައީ ދިވެހިންނެވެ. އަދި ބަންގްލަދޭޝް މީހުންތަކެއްގެ އިތުރުން ފިލިޕިންސްގެ މީހަކު ވެސް ކޮވިޑް ޖެހިގެން މަރުވެފައިވެ އެވެ.