ކަލައިދޫ ކައުންސިލްގެ ރައީސް ހުސައިން ހަލީލް ސީއެންއެމްއަށް ވިދާޅުވީ އެރަށުގެ ބޮޑު ސަރަހައްދަކަށް އުދަ އަރާފައިވާ ކަމަށާއި އެގޮތުން ގޮނޑުދޮށުން ފެށިގެން ރަށު ތެރެއަށް އެއް ކިލޯ މީޓަރެއްހާ ބޮޑު ސަރަހައްދަކަށް އުދައިގެ އަސަރުކޮށްފައިވާ ކަމަށެވެ.
ކަލައިދޫއަށް އުދައިގެ އަސަރުކޮށްފައިވަނީ ގާތްގަނޑަކަށް 800 ފޫޓުކަމަށާއި މީހުން ދރިއުޅޭ ސަރަހައްދަށް ވެސް އުދައިގެ އަސަރު ފޯރާފައިވާކަމަށް ހަލީލް ވިދާޅުވެއެވެ. އަދި އުދައިގެ އަސަރު ފޯރިނަމަވެސް އެއްވެސް މީހަކަށް ގެއްލުމެއް ލިބިފައި ނުވާ ކަމަށްވެސް އޭނާ ވިދާޅުވެއެވެ.
އުދަ އަރާފައިވަނީ ރޭ ފަތިހުގެ ވަގުތެއްގަ އެވެ. އުދަ އެރުމާއި ގުޅިގެން ހަލީލް އިތުރަށް ވިދާޅުވީ ރަށުގެ އިރުމަތީ ފަރާތުގައި ބަނބުކެޔޮ ގަސް ހުންނަ ކަމަށާއި އުދައިގެ އަސަރުކުރުމުން ބަނބުކެޔޮ ގަސްތަކަށް ގެއްލުން ލިބި، ހަލާކުވާނެ ކަމަށެވެ. އަދި މިހާރު ކަމާއި ބެހޭ ފަރާތްތަކަށް އަންގާފައިވާ ކަމަށް ވެސް ވަނީ ވިދާޅުވެފަ އެވެ.
މޫސުން ގޯސްވެ ރާއްޖޭގެ އެކި ސަރަހައްދުތަކަށް އުދައިގެ އަސަރުކޮށްފައިނެތީ މޫސުމާއި ބެހޭ ގައުމީ އިދާރާއިން ވަނީ ސަމާލުވުމަށް އަންގާފަ އެވެ.
