Advertisement

ބުދަ ދުވަހުގެ ރޭ މުޅި ދިވެހިރާއްޖެ ސިއްސުވާލީ ސޯޝަލް މީޑިއާގައި ރަތް ލޭކޯރަކާއެކު ހުޅުމާލޭ މަގުމައްޗަށް މީހަކު އެއްލާފައި އޮތް ފޮޓޯއާއެކު އެވެ.

ފޮޓޯ އިން ފެންނަނީ 5656 ޓެކްސީ ސެންޓަރުގައި މަސައްކަތް ކުރި އދ މާމިގިޔަށް އުފަން އުމުރުން 59 އަހަރުގެ ގާސިމް ހަސަން އެވެ.



ޓެކްސީ ޑްރައިވަރު މަރައިލުން:

އޭނާ މަރާލިކަމަށް ސޯޝަލް މީޑިއާގައި އަޑުފެތުރެނީ ހުޅުމާލޭގައި އޮންނަ އަނދިރި ހިތިގަސް މަގަށް ރަހީނުކޮށްގެން ގެންގޮސް ކަމަށެވެ. އެ މަގު މަޝްހޫރުވެފަައި ވަނީ "ޒިނޭ ގޯޅި" ނަމުގަ އެވެ.

#BreakingNews Hulhumale mirey hulhumale ga maraalee 🚖 vany raheen kogen ziney magah gen go's valhin hamalaadhee @Mihaarunews pic.twitter.com/jSoAkm9eJA

— Hulhumale Riyattey (@riyyatey) December 4, 2019

އަދި އޭނާ މަރާލީ ކުރީގެ މަޖްލިސް މެންބަަރެއްގެ އަތުން ނެގި ލޯނެއް އަނބުރާ ނުދައްކައިގެން ކަމަށް ވެސް ސޯޝަލް މީޑިއާގައި ވަނީ އަޑު ފެތުރިފަ އެވެ.

Miee balan jehey kameh. Mikahala meehun Maraa gundaain majilis ah laigen kamaku nudhaane. pic.twitter.com/1MvwCQyQNk

— Abdulla Yaugoob (@YaugoobAbdulla) December 4, 2019

ނަމަވެސް ކަން ހިނގާދިޔަ ގޮތް ސީދާ އެނގޭނީ ފުލުހުންގެ ތަހުގީގު ނިމުމުންނެވެ. އޭނާގެ ހަށިގަނޑުގެ ތަހުގީގުގައް ހެދުމަށް މެންދަމުގެ ވަގުތެއްގައި ވަނީ ޓްރީޓޮޕް ހޮސްޕިޓަލަށް ގެންގޮސްފަ އެވެ.

ހުޅުމާލެ ކުށުގެ ވެއްޓަކަށް:

ހުޅުމާލެއަކީ ފުޅާ ދާއިއިރާއެއްގައި ފަތުރުވެރިކަން ވެސް ކުރިއަރަމުން އަންނަ އުންމީދީ އަވަށެކެވެ. ނަމަވެސް ބޮޑެތި ކުށްތަކުގެ ވެއްޓަކަށް ހުޅުމާލެ ވެއްޖެ އެވެ. ފޭރުމާ މާރާމާރީގެ އެރީނާއަކަށް ހުޅުމާލެ ވެއްޖެ އެވެ. މިއީ ފަތުރުވެރިކަމަށް ވެސް އޮތް ބިރެކެވެ.

ޓެކްސީ ޑްރައިވަރަށް ދިން ހަމަލާއާއެކު ހަނދާނަށް އަންނަނީ އޮގަސްޓް، 7 2014 ވަނަ އަހަރު ދުވަހުގެ މެންދަމު ވަގުތެއްގައި މަރައިލި މިނިވަން ނޫހުގެ ނޫސްވެރިޔާ އަހުމަދު ރިލްވާން (މޮޔަ މީހާ) މަތިންނެވެ.

އޭނާ ވެސް މަރައިލާފައި ވަނީ ހުޅުމާލެއިން ރަހީނުކޮށްގެ ގެންގޮސް މަސް ދޯންޏަކަށް އަރުވައި އޭނާގެ ބޯ ބުރިކޮށްލައިގެންކަން، މަރާލާފައިވާ މީހުންނާއި ގެއްލުވާލާފައިވާ މީހުންގެ މައްސަލަތައް ބަލާ ރިޔާސީ ކޮމިޝަން (މަރު ކޮމިޝަން) ނެރުނު ރިޕޯޓުން ހާމަވެ އެވެ.

ނޫސްވެރިޔާ ރިލްވާން ގެއްލުވާލުމުގެ ފަހަތުގައިވާ ބޮޑެތި ކަންކަމުގެ މައުލޫމާތު ހާމަކުުރުމަށް ރިޔާސީ ކޮމިޝަނުން ރައީސް އޮފީހުގައި ބޭއްވި ނޫސްވެރިންގެ ބައްދަލުވުމުގައި ރިޔާސީ ކޮމިޝަންގެ ރައީސް ހުސްނުއް ސުއޫދު ވިދާޅުވީ، ރިލްވާން ކިޑްނެޕްކޮށް މަރާލާފައި ވަނީ ދީނީ މިނިވަންކަމާއި އެހެން ވެސް އިންސާނީ ހައްގުތަކަށް ވަކާލާތު ކުރާ "މިނިވަން ފިކުރު"ގެ ބަޔަކާއި ދީނީ ގޮތުން ހައްދު ފަހަނަ އަޅާފައިވާ "ޖިހާދީ ފިކުރު"ގެ ބައެއްގެ ދެމެދުގައި 2010 އަދި 2011 ގައި އުފެދުނު ހިޔާލު ތަފާތުވުންތަކެއްގެ ޒުވާބަށް ބަދަލުވެ، ކުރި ފަޅައިގެން ގޮސްގެން ކަމަށެވެ.


ފޮޓޯ: Shaari - thinvana loa


މި ކަންކަމާއެކު، ދީނީ އިލްމުވެރިޔާ ޑރ. އަފްރާޝީމް އަލީގެ މަރާއި ގުޅިގެން މަރު ކޮމިޝަނުން ނެރުނު ރިޕޯޓުން ހާމަވާ އަނެއް ކަމަކީ "ޖިހާދީ ފިކުރު" ގެ މީހުން މާލެ އާއި ރާއްޖޭގެ އެކި ސަރައްހަދުތަކުގައި ހިންގާ ގޭންގުތަކުގެ ކޮންޓްރޯލް ނަގާފައިވާ ކަމެވެ.

ގޭންގުތަކުގެ ޝިކާރައަކަށް އެތައް ސަތޭކަ ކުޑަކުދިންނެއް ވަނީ ވެފަ އެވެ. 2018 ވަނަ އަހަރު އެކަނިވެސް 340 އަށް ވުރެ ގިނަ ކުޑުކުދިންގެ ޖިނާއީ މައްސަލަތައް ވެސް ހުށަހެޅުނެވެ. އެންމެ ގިނައީ މާރާމާރީ އެވެ.

ރާއްޖޭގައި ގޭންގުތައް ހަދައި، މީހުން މެރުމާއި، ވައްކަމާއި، ފޭރުމާއި މަސްތުވާތަކެތީގެ ވިޔަފާރި ކުރާ ގޭންގުތަކަކީ "'ބޮޑު" ސިއްރުތަކެއް ނޫނެވެ. ގޭންގުތައް ހަރަކާތްތެރި ވަނީ ކޮން ސަރަހައްދުތަކެއްގައިކަން ވެސް އާންމު ރައްޔިތުންނަށް ވެސް އެނގެ އެވެ. މިހެންވީއިރު ދައުލަތުގެ އަމަން ބެލެހެއްޓުމުގެ ޒިންމާ މަތިކޮށްފައިވާ ވުޒާރާތަކަށް މި ގޭންގުތަކުގެ މައުލޫމާތު މާ ބޮޑަށް ވެސް އެނގޭނެ އެވެ. ނުހުއްޓުވަނީ ކީއްވެ ހެއްޔެވެ؟ ޖުޑީޝަރީ އަދިވެސް މިނިވަން ނުވަނީ ތޯއެވެ؟ ޕީޖީ ބަދަލުނުވަނީ ތޯއެވެ؟ މަޖިލީހުގެ މެޖޯރިޓީ ނެތީ ތޯއެވެ؟ ބަޖެޓު ނެތީ ތޯއެވެ؟ ހުއްޓުވަން ބޭނުން ނެތީ ތޯއެވެ؟

Hulhumale akee Gang thah harakaaththerivaa thaneh, ekan fuluhunnah ves ingey, fulhun was meehun dheke biruves ganey

— Adam Shareef 🎈 (@mnbcmd) December 4, 2019

ތަފާސްހިސާބުތަކުން ކުށްތައް މަދު، ނަމަވެސް ރައްޔިތުންގެ ހިތުން ބިރުވެރިކަން ނުފިލާ


ރައީސުލްޖުމްހޫރިއްޔާ އިބްރާހިމް މުހައްމަދު ސާލިހުގެ ވެރިކަމަށް އެއް އަހަރު ފުރުމާ ގުޅިގެން ރައީސް އޮފީހުން އާންމުކުރި ތަފާސްހިސާބުތައް ދައްކާ ގޮތުން، ނުރައްކާތެރި ކުށްތަކުގެ އަދަދު 2018 ވަނަ އަހަރާ އަޅާބަލާއިރު ތިން ޕަސެންޓަށް ވަނީ ދަށްވެފަ އެވެ. އާ ސަރުކާރުގެ ފުރަތަމަ އަހަރު ނިމުނުއިރު ނުރައްކާތެރި ބޮޑެތި ކުށްތައް މަދުވެފައިވާ ކަމާއި، ގޭންގް މާރާމާރީގައި އެކަކު ވެސް މަރު ނުވާ ކަމަށް ތަފާސްހިސާބުތާކުން ދައްކަ އެވެ.

ނަމަވެސް، ސަރުކާރުގެ ދެވަނަ އަހަރު މި ފެށެނީ ބިރުވެރި މަރަކާ އެކު އެވެ.

މީހުން މެރުމާއި، މާރާމާރާ ހިންގުމާއި، ފޭރުމާއި ވައްކަން ފަދަ ބޮޑެތި ޖިނާއީ ކުށްތައް ހިންގާ މީހުން ހިފައި ރިހިބިލިޓޭޓުކުރަން ޖެހެ އެވެ.

ޖަލުތަކަކީ "ޖަނަވާރު ބަންދު ކުރާ ކޮށިތަކެއްގެ" ގޮތުގައި އޮތް އޮތުން ނިމުމަކަށް ގެނެސް ކުށުގެ ވެށިން ހައްޔަރު ކުރާ މީހުންނަށް ރަނގަޅު ފަރުވާއެއް ދޭން ޖެހެ އެވެ. މަދަރުސާތަކުން ފޯރުކޮށްދޭ އޯގާތެރި ތަޢުލީމީ ނިޒާމެއްގެ ތެރެއިން ބޮޑުވާ ބަޔަކަށް ކުޑަ ކުދިން ހަދަން ޖެހެ އެވެ.

އުންމީދަކީ ގޭންގުތަކުގެ ބާރު މި ސަރުކާރުން ކަނޑުވާލައި ދިވެހިރާއްޖެއަކީ އަމާން ތަނަކަށް ހެދުމެވެ. އަނިޔާވެރިކޮށް މަރައިލާފައިވާ ގާސިމްގެ އާއިލާއަށް އަވަހަށް އިންސާފު ލިބުމެވެ. މިފަދަ އަނިޔާވެރި އަމަލުތައް ހުއްޓުމަކަށް ގެންނައުމެވެ.

ޒުވާނުން މަގުމަތިވާން ދޫކޮށް ނުލާށެވެ. އޭރުން މަގުމަތީ އެވަނީ ގައުމުގެ މުސްތަގުބަލެވެ.