އެއް ދުވަހުގެ ތެރޭގައި ތިން ޝޯ ބާއްވާފައި ވަނީ މިފަދަ ބަލިމަޑުކަމެއްގެ ތެރޭގައި "އިންޑޯ" އިވެންޓެއް ބާއްވައިގެން ދިމާވެދާނެ ނުރައްކާތައް ދެނެގަތުމަށެވެ.
އުމުރުން 18 އަހަރާއި 50 އަހަރާ ދެމެދުގެ 1،500 އެއްހާ ސިއްހަތު ރަނގަޅު ވޮލަންޓިއަރުން އެ އެކްސްޕެރިމެންޓުގައި ބައިވެރިވެފައި ވެއެވެ.
އިއްޔެ ބޭއްވި ފުރަތަމަ ޝޯ ބާއްވާފައި ވަނީ ވައިރަސް ފެތުރުމުގެ ކުރިން ދުނިޔޭގައި ކަންކަން އޮތް ގޮތަށް، ރައްކާތެރިކަމުގެ ފިޔަވަޅެއް ނާޅަ އެވެ.
ދެވަނަ ޝޯގައި ސާފުތާހިރުކަމުގެ ފިޔަވަޅުތަކާއި ގައިދުރުކަން ބަހައްޓާފައި ވެއެވެ. އަދި ތިންވަނަ ޝޯގައި ވަރަށް މަދު އަދަދެއްގެ މީހުން ތިބިއިރު، އެންމެން ވެސް ތިބީ 1.5 މީޓަރު ދުރުގަ އެވެ.
އޭގެ ނަތީޖާ މި އަހަރުގެ ތެރޭގައި ލިބޭނެ އެވެ. އެ އެކްސްޕެރިމެންޓަށް ޖުމްލަ 1.17 މިލިއަން ޑޮލަރު ހޭދަކޮށްފައި ވެއެވެ.
އެކްސްޕެރިމެންޓު ކުރިއަށް ގެންދިޔައިރު، އޭޕްރިލް މަހަށް ފަހު، ފުރަތަމަ ފަހަރަށް އަނެއްކާވެސް ޖަރުމަނުގައި ވަނީ ރެކޯޑް އަދަދަކަށް ކޮވިޑް ކޭސްތައް ރިޕޯޓުކޮށްފަ އެވެ.
އެގޮތުން ފާއިތުވި 24 ގަޑިއިރުގެ ތެރޭގައި 2000 އަށް ވުރެ ގިނަ މީހުން ޕޮޒިޓިވްވެފައި ވެއެވެ. މިހާރު އެގައުމުން ޕޮޒިޓިވްވި މީހުންގެ ޖުމްލަ އަދަދު ވަނީ 232،082 އަރާފަ އެވެ.
