ބޮލީވުޑް ހަބަރުތައް ބުނާ ގޮތުން ކެޓްރީނާއާ ދިމާކުރަން ވިކީ ގޮސްފައިވަނީ މާސްކު އަޅައިގެން ކެޓްރީނާ ގެއަށެވެ.
އަދި ލޮކްޑައުން ކޮށްފައިވަނިކޮށް ގަައިޑްލައިންތައް ފުނޑާލާ ކެޓްރީނާއާ ބައްދަލުކުރަން ބޭރަށް ނިކުމެ އުޅުމުގެ ތެރެއިން ފުލުހުން ވިކީ ހިފަހައްޓާފައިވާ ކަމަށް ވެސް ސޯޝަލް މީޑިއާގައި ވާހަކަތައް ދެކެވެެމުންދެއެވެ.
ވިކީ ބުނީ އެކަހަލަ އެއްވެސް ކަމެއް ހިނގާފައި ނުވާ ކަމަށާއި ލޮކްޑައުން ކުރިފަހުން އޭނަ ގެއިން ވެސް ނިކުމެފައި ނުވާނެ ކަމަށެވެ. އަދި ވިކީ މިވާހަކަތައް ސިފަކޮށްފައި ވަނީ "ބޭސްލެސް ރޫމާސް" ގެ ގޮތުގައެވެ.
މި ވާހަކަތައް މިގޮތަށް ސޯޝަލް މީޑިއާގައި އާއްމުން ދައްކަމުން މިދަނީ ވިކީ އިސްޓާގުރާމަށް ލާފައިވާ ފޮޓޯއަކާއި ގުޅިގެންނެވެ. އެ ފޮޓޯގައި އޭނަ ލާފައިވާ ހޫޑީއަކީ އޭގެ ކުޑަދުވަސްކޮޅެއް ކުރިން ކެޓްރިނާ އިންސްޓަގުރާމްގައި ހިއްސާކޮށްފައިވާ ފޮޓޯގައިވެސް ލާފައިވާ ހޫޑީކަމަށް ތުހުމަތު ކޮށްފައި ވެއެވެ.
އެކަމާއި ގުޅިގެން ވިކީ ކުރި ޓުވީޓެއްގައި ބުނީ އޭނާ ބަޔަކަށް އެއްވެސް ކަމަކާއި ގުޅިގެން ކްލެރިފިކޭޝަނެއް ދޭން ޖެހޭނެ ކަމަށް ގަބޫލް ނުކުރާ ކަމަށެވެ.
