ޗައިނާގެ އެހީއާއެކު ހިންގާ ޕްރޮގްރާމުގައި ބައިވެރިވުން ލާޒިމެއް ނޫނެވެ. އެ ޕްރޮގްރާމަށް ބައެއް މީހުންގެ ފާޑުކިޔުން ވެސް ވަނީ އަމާޒުވެފަ އެވެ.
ސިއްހީ މަސައްކަތްތެރިންގެ ޔޫނިއަނުން ބުނެފައި ވަނީ އެއީ ހަކަތަ ބޭކާރު ކުރުމަށް ހިންގާ ޕްރޮގްރާމެއް ކަމަށެވެ. އަދި ބައެއް އެކްޓިވިސްޓުން ތުހުމަތު ކުރާ ގޮތުގައި އެ ޕްރޮގްރާމުގެ ސަބަބުން މީހުންގެ ހުއްދަ ނެތި ޑީއެންއޭ ރައްކާކުރުމުގެ ފުރުސަތު އެބަ އޮތެވެ.
ހޮންކޮންގައި މިހާތަނަށް ކޮވިޑް-19 އަށް ޕޮޒިޓިވްވެފައި ވަނީ 5000 އެއްހާ މީހުންނެވެ. ނަމަވެސް ބަލި ފެތުރިދާނެ ކަމުގެ ބިރު އެބަ އޮތެވެ.
އެހެންކަމުން ހިލޭ ޓެސްޓު ކުރުމުގެ ފުރުސަތު އޮތުމުން، ބަލި ފެތުރިފައިވާ މިންވަރު ފަސޭހަކޮށް ދެނެގަނެވޭނެ ކަމަށް ކަމާ ބެހޭ ފަރާތްތަކުން ބުނެ އެވެ.
ގާތްގަނޑަކަށް 7.5 މިލިއަން މީހުން އުޅޭ ހޮންކޮން އިން މިހާތަނަށް ބައި މިލިއަނެއްހާ މީހުން ވަނީ އެ ޕްރޮގްރާމުގައި ބައިވެރިވުމަށް ރަޖިސްޓްރީކޮށްފަ އެވެ.
