ads
ވިލިނގިލީގައި މިއަދު ކުރި އިހުތިޖާޖު---
ކޮވިޑް ޖެހުނު މީހާއާ ދެކޮޅަށް ވިލިނގިލީގައި އިހުތިޖާޖެއް ނުކުރޭ: ސައުދު
ގއ. ވިލިނގިލީގައި ކޮވިޑް ޖެހުނު މީހާއާ ދެކޮޅަށް އެއް ބަޔަކު އިހުތިޖާޖުނުކުރާ ކަމަށް ވިލިނގިލީ ދާއިރާގެ މެމްބަރު ސައުދު ހުސެއިން ވިދަޅުވެއްޖެ އެވެ.

ސީއެންއެމްގެ އިތުރުކާފު ޕްރޮގްރާމުގައި މެމްބަރު ސައުދު ވިދާޅުވީ ވިލިނގިލީ ކޮވިޑް ފެސިލިޓީއަށް އިއްޔެ ތިނަދޫ އިން މީހަކު ގެންދިޔައީ އެމީހާއަކީ ހައި ރިސްކް މީހަކަށްވާތީ ކަމަށާއި އެރަށުގައި އެމީހާއާ ދެކޮޅަށް އެއްވެސް ހާލެއްގައި އިހުތިޖާޖު ނުކުރާ ކަމަށެވެ. 

"ސިޔާސީ ޕާޓީއެއްގެ ގޮތުގައި ނޫސް ބަޔާން ނެރެމުބް އެ ގެންދަނީ. އަޅުގަނޑު މިތާ ހުރެގެން އެއްވެސް ޕާޓީއެއްގެ ރަމްޒެއް ނުކުރަން. އަޅުގަނޑު ވަކި ޕާޓީއެއް ދިފާއުކުރާކަށް ވެސް ނެތިން. އަޅުގަނޑުގެ މަސްއޫލިއްޔަތަކީ އަޅުގަނޑު ގަޔަށް އަރާނެ ވިލިނގިލީގެ ކޮންމެ ރައްޔިތެއްގެ ގަޔަށް އެ އަރާ އުންޑަ.. އަރާފަ އެހެން ރައްޔިތެއްގެ ގަޔަށް އަރާނީ. އިހުތިޖާޖުގެ މާނަ އެނގޭތޯ. އެތާނގަ ދެއްކީ ސިޔާސީ ވާހަކަތަކެއް،" 

އޭގެ އިތުރުން، ސައުދު ވިދާޅުވީ އެތަނުގައި ލޯންޗެއް އޮތްއިރު ފުލުހުން ވެސް ތިބި ކަމަށާއި އެހާ ގިނައިރު ވަންދެން މަންޒަރު ބަލަން ވިލިނގިލީ ރައްޔިތުން ވެސް ނުތިބޭނެ ކަމަށެވެ. އެގޮތުން ޖެހުނު މައްސަލައަކީ ކައުންސިލާއި ރައްޔިތުންގެ މެދުގައި އުފެދުނު ނުތަނަސްކަމެއްގައި ރައްޔިތުން ނުރުހުން ފާޅުކުރީ ކައުންސިލަށް ކަމަށެވެ. 

"އެތަނުގަ ފަސް ވަރަކަށް މިނެޓްގަ ޒުވާން ކުދިން. އެކި އެޓިޓިއުޑްގެ ކުދިން ތިބޭނެ ދެއްތޯ އަޑުތަކެއް ހުންނާނެ ކޮންމެސް ވަރަކަށް. އަރުވާނެ ކަމެއް ނެތޭ.. އަތޮޅު ކައުންސިލުގެ ރައީސް ވިދުވާޅުވި 10 ވަރަކަށް މީހުންނޭ. ދިހަ ވަރަކަށް މީހުންނަށް ދައުލަތް ހުއްޓުވޭނެތޯ. އެތަނުގަ ވިލިނގިލީގެ އެއްވެސް ރައްޔިތަކު 40 މިނެޓް ވަންދެން ލޯންޗު އޮތޭ އެތާންގަ އެއްވެސް ރައްޔިތަކު ނެތި. އެމްބިއުލާންސް ނައިސްގެން،" ސައުދު ވިދާޅުވި އެވެ. 

ސައުދު އެގޮތަށް ވިދާޅުވި ނަމަވެސް އިއްޔެ ފުލުހުން ވަނީ އެރަށުގައި ގާއިމުކޮށްފައިވާ ކޮވިޑް ފެސިލިޓީއަށް ގެންދިޔަ ބަލި މީހަކު ރަށަށް އެރުވުމާއި ދެކޮޅަށް ރައްޔިތުންގެ ބަޔަކު އިހުތިޖާޖުކުރަމުންދާތީ ފުލުހުން ހަރަކާތްތެރިވަމުންދިޔަ ކަމަށް ވިދާޅުވެފަ އެވެ.

ތިނަދޫ އިން ގެންދިޔަ ބަލި މީހާ އެންމެ ފަހުން އަނބުރާ އެރަށަށް ގެންދިއުމަށް ފަހު އިއްޔެ ވަނީ މާލެއަށް ގެނެސްފަ އެވެ. 

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް