މިހާރު އޮތް ގޮތުން ނަމަ ޖިނާއީ އިޖުރާއަތުގެ ގާނޫނުގައި ރޭޕް އާއި ކުޑަކުދިންނަށް ޖިންސީ ގޯނާކުރުން ބޮޑު ކުށެއްގެ ގޮތުގައި ހިމަނާފައެއް ނުވެ އެވެ.
ސަރުކާރުގެ ފަރާތުން ހުށަހެޅި އިސްލާހު ދިރާސާ ކުރުމަށް ފަހު ޖުޑިޝަރީ ކޮމިޓީން ވަނީ ޖިނާއީ އިޖުރާއަތުގެ ގާނޫނުގެ 22 ވަނަ މާއްދާ އިސްލާހު ކުރަން ނިންމާފަ އެވެ.
އެގޮތަށް އިސްލާހު ކުރުމުން ބޮޑެތި ކުށްތަކުގެ ތެރޭގައި ހިމެނޭނީ މީހުން މެރުމާއި، ރޭޕް ކުރުމާއި، ކުޑަކުދިންނަށް ޖިންސީ ގޯނާ ކުރުމާއި، ޓެރަރިޒަމާއި، ޓެރަރިޒަމަށް ފައިނޭންސް ކުރުމާއި، މަނީ ލޯންޑަރިން އާއި މީހުން ޓްރެފިކް ކުރުމާއި މަސްތުވާތަކެތި ޓްރެފިކް ކުރުން ފަދަ ކުށްތަކެވެ.
އޭގެ އިތުރުން ކުޑަކުދިންނަށް ކުރާ ޖިންސީ ގޯނާގެ މައްސަލަތަކުގައި ތުހުމަތު ކުރެވޭ މީހުންގެ ޒާތީ މުއާމަލާތްތައް ކޯޓު އަމުރެއްގެ ދަށުން އަޑުއެހުމުގެ އިހްތިޔާރު ގާނޫނު ތަންފީޒް ކުރާ އިދާރާތަކަށް ދޭން ކޮމިޓީން ވަނީ ފާސްކޮށްފަ އެވެ.
