ads
ހުޅުމާލޭގައި ސަފާރީތައް އަޅާފައި-- ފޮޓޯ: ސަން
101 ސަފާރީއަކަށް އޮޕަރޭޓު ކުރުމުގެ ހުއްދަ ދީފި
މިހާތަނަށް ރާއްޖޭގައި ފަތުރުވެރިންނަށް ހިދުމަތްދޭ 101 ސަފާރީއަކަށް އަލުން ހިދުމަތް ދިނުމުގެ ހުއްދަ ދީފައިވާކަމަށް ނެޝަނަލް ބޯޓިން އެސޯސިއޭޝަން އޮފް މޯލްޑިވްސް (އެންބީއޭއެމް) އިން ބުނެފި އެވެ.

އެންބީއޭއެމް އިން ކުރި ޓްވީޓެއްގައި ބުނީ ޓޫރިޒަމް މިނިސްޓްރީގެ ފަރާތުން ސެޕްޓެމްބަރު ދެވަނަ ދުވަހުގެ ނިޔަލަށް ވަނީ ފަތުރުވެރިންނަށް ހިދުމަތްދޭ 101 ސަފާރީއަކަށް އަލުން ހިދުމަތް ދިނުމުގެ ހުއްދަދީފައި ކަމަށެވެ. 

މިހާރު 97 ސަފާރީއަކުން ހިދުމަތް ފަށާފައިވާއިރު އެމްބީއޭއެމް އިން ބުނީ މިމަހުގެ ހަތް ވަނަ ދުވަހުން ފެށިގެން އަންނަ އޮކްޓޫބަރު އެއް ވަނަ ދުވަހުގެ ނިޔަލަށް ހިދުމަތް ފަށަން ބޭނުންވާ ސަފާރީތަކުގެ ތެރެއިން ހަތަރު ސަފާރީއަކަށް އަލުން ފެށުމުގެ ހުއްދަދޫކޮށްފައިވާ ކަމަށެވެ. 

ސަރުކާރުން ކަނޑައަޅާފައިވާ މިންގަނޑުތަކަށް ފެތޭ ސަފާރީތަކަށް ހުއްދަ ދޭއިރު، އެކަމަށް އެދި ޓޫރިޒަމް މިނިސްޓްރީއަށް ޑިކްލަރޭޝަން ފޯމް އެއް ހުށަހަޅަންޖެހެ އެވެ. އަދި ސަފާރީގެ އޮޕަރޭޓިން ލައިސަންސް އާއި، މީރާގެ ޓެކްސް ކްލިއަރެންސް ފޯމް ވެސް މިނިސްޓްރީ އަށް ހުށަހަޅަންޖެހެ އެވެ. އޭގެ އިތުރުން ސަފާރީން ސަލާމަތާއި ރައްކާތެރިކަމުގެ މިންގަނޑުތައް ގެންގުޅޭނެ ގޮތުގެ ޕްލޭންއެއް ވެސް މިނިސްޓްރީ އަށް ހުށަހަޅަންޖެހެ އެވެ.

ހުއްދަ ހޯދުމުގެ މަރުހަލާގައި ގިނަ ވަގުތު ހޭދަވާތީ ސަފާރީތަކުން ހިދުމަތްދޭން ތާވަލްކުރާ ތާރީހުގެ ކުރިން ހުއްދަ ހޯދުމަށް އެދި މިނިސްޓްރީ އަށް ހުށަހެޅުމަށް ބޯޓިން އެސޯސިއޭޝަނުން ސަފާރީތަކަށް ވަނީ އަންގާފަ އެވެ. އެގޮތުން މީރާއަށް ދައްކަންޖެހޭ އެއްވެސް ޓެކްސް އެއް ވާނަމަ ޓެކްސް ކްލިއަރެންސް ފޯމު ހޯދުމަށް ލަސްތަކާ ކުރިމަތިވުމަކީ އެކަށީގެންވާ ކަމެއްކަމަށް އެ އެސޯސިއޭޝަނުން ފާހަގަކުރެ އެވެ. 

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް