ލ. ކަލައިދޫ ގެޔަކުން ވަގަށް ނަގާފައި ވަނިކޮށް ހޯދި ފައިސާތައް-- ފޮޓޯ: ފުލުހުން
ވަގަށް ނެގި ތިން ލައްކަ ރުފިޔާ ވަޅުލާފައި ހުއްޓާ ހޯދައިފި، ދެ މީހަކު ހައްޔަރަށް
ފާތިމަތު ސާޔާ އަހުމަދު
07 ސެޕްޓެމްބަރ 2020 - 10:58:14
ލ. ކަލައިދޫގެ ގެއަކުން ވަގަށް ނަގާފައިވާ ގިނަ އަދަދެއްގެ ފައިސާ ހޯދާ، ބަޔަކު ހައްޔަރުކޮށްފި އެވެ.
އެ ވައްކަމުގެ ރިޕޯޓު ފުލުހުންނަށް ކޮށްފައި ވަނީ އިއްޔެ އެވެ. އެއާއެކު ފައިސާތައް ހޯދުމަށް ހާއްސަ އޮޕަރޭޝަނެއް ވަނީ ފަށާފަ އެވެ.
އިސްދޫ ޕޮލިސް ސްޓޭޝަނާއި، ލ. ގަން ޕޮލިސް ސްޓޭޝަން އަދި ފުލުހުންގެ އިންޓެލިޖެންސް ގުޅިގެން ހިންގި އެ އެޕަރޭޝަނުގައި، އެ ފައިސާތައް ހޯދާފައި ވަނީ ރަށު ތެރޭގައި ވަޅުލާފައި ހުއްޓާ ކަމަށް ފުލުހުން މައުލޫމާތު ދެއެވެ.
އިންޓެލިޖެންސަށް ލިބުނު މައުލޫމާތަކާ ގުޅިގެން އެ ސަރަހައްދު ބަލައި ފާސްކޮށް 352،500 ރުފިޔާ (ތިން ލައްކަ ފަންސާސް ދެހާސް ފަސް ސަތޭކަ) ހޯދާފައި ވެއެވެ.
އެ މައްސަލައާ ގުޅިގެން 29 އަހަރުގެ މީހަކާއި 38 އަހަރުގެ މީހަކު، ކޯޓު އަމުރެއްގެ ދަށުން ވަނީ ހައްޔަރުކޮށްފަ އެވެ. ފުލުހުން ބުނީ އެ މައްސަލަ އިތުރަށް ތަހުގީގު ކުރަމުންދާ ކަމަށެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
