ޓްރާސްޕޯޓް މިނިސްޓްރީން މިއަދު ކުރި އިއުލާނެއްގައި ބުނީ މިއަދުން ފެށިގެން ޓްރާންސްޕޯޓު އެންޑް ސިވިލް އޭވިއޭޝަން ހިންގަމުންދާނީ މަޖީދީމަގުގައި ހުންނަ މ. ޗަނބޭލީވިލާގެ ތިންވަނަ ފަންގިފިލާގައި ކަމަށެވެ. އެއީ ކުރީގެ ސްޓާ ސިނަމާ ހުންނަ އިމާރާތެވެ.
މީގެ ކުރިން ސިވިލްއޭވިއޭޝަން އާއި ޓްރާންސްޕޯޓު މިނިސްޓްރީ ހިންގަމުން ދިޔައީ ވެލާނާގޭގައެވެ.
އޭގެ އިތުރުން އޮގަސްޓް ހަތަރުވަނަ ދުވަހުން ފެށިގެން ޓްރާންސްޕޯޓު އޮތޯރިޓީގެ ހިންގުންވެސް ވަނީ އެ އިމާރާތުގެ ފުރަތަމަ ފަންގިފިލާއަށް ބަދަލުކޮށްފައެވެ.
އެ އޮތޯރިޓީގެ މަސައްކަތްތައް ކުރިން ހިންގަމުންދިޔައީ ހުރަވީ ބިލްޑިންގެ ދެވަނަ ފަންގިފިލާގައެވެ. ޓްރާސްޕޯޓް އޮތޯރަޓީ މަޖީދީމަގުގައި ހުންނަ ސްޓާ ސިނަމާ އިމާރާތަށް ބަދަލުކުރީ ހުރަވީ ބިލްޑިންގަށް ގިނަ ދުވަސްތަކެއްވުމުގެ ސަބަބުން ފާރުތައް ރެނދުލާ ވަރަށް ބޮޑަށް ވީރާނާވެ، އެއިމާރާތުގެ ފާރުތަކުގެ ބައިބައި ނައްޓައިގެންގޮސް ވެއްޓި، އެ އިމާރާތުގެ ކައިރީގައި ޕާކްކޮށްފައި ހުންނަ ސައިކަލްތަކަށާއި ބައެއް މީހުންނަށް އެކި ކަހަލަ ގެއްލުންތައް ލިބެމުންދާތީއެވެ.
