ރާއްޖޭގައި ކާމިޔާބުކަމާއެކު ލޭޓާ ޖޭ އޮޕަރޭޝަނެއްކުރުން--
ރާއްޖޭގެ ފުރަތަމަ ލެޓާ ޖޭ އޮޕަރޭޝަން ޑރ. އަބްދުއްސަމަދު މެމޯރިއަލް ހޮސްޕިޓަލްގައި
މާއިދާ މުހައްމަދު ރަޝާދު
09 ސެޕްޓެމްބަރ 2020 - 09:53:00
ރާއްޖޭގެ އެންމެ ފުރަތަމަ ލެޓާ ޖޭ އޮޕަރޭޝަން ގދ. ތިނަދޫގައި ހުންނަ އަބްދުއްސަމަދު މެމޯރިއަލް ހޮސްޕިޓަލުގައި ކޮށްފި އެވެ.
Advertisement
އެ އޮޕަރޭޝަނަކީ ކޮނޑު ހުޅު ނެއްޓިފައިވާ މީހުންގެ ކުރާ އޮޕަރޭޝަނެކެވެ.
އެ ހޮސްޕިޓަލުން ބުނި ގޮތުގައި އެ އޮޕަރޭޝަން ކުރުމުގައި އެންމެ އިސްކޮށް އުޅުއްވީ ކަށީގެ ޑރ. އަހުމަދު އާޒިމެވެ. އަދި ރާއްޖޭގައި ކުރެވުނު ފުރަތަމަ އެ އޮޕަރޭޝަން ޑރ. އަބްދުއްސަމަދު މެމޯރިއަލް ހޮސްޕިޓަލުގައި ކުރެވިގެން ދިއުމަކީ ލިބުނު ބޮޑު ކާމިޔާބީއެއް ކަމަށް ވެސް ބުނެ އެވެ.
އޮޕަރޭޝަންކޮށްފައިވާ މީހާއަކީ އުމުރުން 70 އަހަރުގެ މީހެކެވެ. އެމީހާއަކީ 30 ފަހަރެއްގެ މަތިން ކޮނޑުހުޅު ނެއްޓިފައިވާ މީހެކެވެ. އޮޕަރޭޝަނަށް ފަހު ތިން މަސް ވަންދެން އެމީހާ، ޕިޒިއޮތެރަޕީ ވެސް ހަދަން ޖެހެ އެވެ.
ބިންދައިގެންދާ ކަށިތަކުގެ އޮޕަރޭޝަނާއި ހުޅު ބަދަލުކުރުން ފަދަ ކަށީގެ އޮޕަރޭޝަންތައް މީގެ ކުރިން ވެސް ޑރ. އަބްދުއްސަމަދު މެމޯރިއަލް ހޮސްޕިޓަލުގައި ކާމިޔާބުކަމާއެކު ކޮށްފައިވެ އެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
