ރޭ އެޗްއީއޯސީން ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން ޑރ. ނަޒްލާ މުސްތަފާ ވިދާޅުވީ އްވެސް ޢަލާމާތެއް ހުރި މީހެއްނަމަ، އޭލެވެލް އިމްތިހާން ހަދާ ކުދިންތިބި ގޭގެޔަށް ނުދިއުމަށް އިލްތިމާސްކުރާ ކަމަށެވެ. އަދި އެކުދިންގެ ރައްކާތެރިކަމަށް ކުރިއަށް އޮތް ދެ ހަފްތާގައި ވީހާވެސް ބޮޑަށް ސަމާލުވުމަށް އެޗްއީއޯސީ އިންވަނީ އިލްތިމާސްކޮށްފައެވެ.
އިމްތިހާނުގައި ބައިވެރިވާ ދަރިވަރުން މިދުވަސްވަރު މިބައްޔަށް ހުށަހެޅިއްޖެނަމަ، އެކަމަކީ އެކުދިންގެ ކަންބޮޑުވުން އިތުރަށް ބޮޑުވާނެކަމަކަށް ވެދާނެކަން ޑރ. ނަޒްލާ ފާހަގަކުރެއްވި އެވެ. މަސައްކަތްކުރަނީ އެގްޒޭމް ހޯލްގައި ދަރިވަރުންގެ ރައްކާތެރިކަން ކަށަވަރުކުރުމަށް ކަންފާހަގަކޮށް ޑރ. ނަޒްލާ ވިދާޅުވީ މިކަން އިތުރަށް ކަށަވަރުކުރެވޭނީ ކުދިންނާއެކު ތިއްބަވާ މީހުންވެސް ރައްކާތެރިކަމަށް ސަމާލުވެގެން ކަމަށެވެ.
މީގެ އިތުރުން އެ ޕްރެސް ކޮންފަރެންސްގައި އެޑިއުކޭޝަން މިނިސްޓްރީން ބުނެފައިވަނީ އިމްތިހާނު ހަދާ ދަރިވަރުންގެ ސަލާމަތާއި ރައްކާތެރިކަން ކަށަވަރުކުރުމަށްޓަކާ، އެޗް.ޕީ.އޭއާއި، ޓެކްނިކަލް އެޑްވައިޒަރީ ގްރޫޕާއި، އެޑިއުކޭޝަން މިނިސްޓްރީ ގުޅިގެން ގައިޑްލައިންތަކާއި އެސް.އޯ.ޕީތައް ތައްޔާރުކޮށްފައިވާ ކަމަށެވެ.
