ރައްޔިތުންގެ މަޖިލީހުގެ މިއަދުގެ ޖަލްސާގައި ގާނޫނުލްއުގޫބާތަށް ހުށަހަޅާފައިވާ އިސްލާހަށް ވާހަކަ ދައްކަވަމުން ހަލީމް ވިދާޅުވީ އެމްޑީޕީ މެމްބަރުން މަޖިލީހަށް އައީ އެމްއެމްޕީއާރްސިގެ މައްސަލަ ބަލާނެ ކަމަށް ބުނެ ކަމަށާއި، އަދި އެކަން ބަލާ ކަމަށް ހަލީމް ވިދާޅުވި އެވެ.
އެމްއެމްޕިއާރްސީގެ މައްސަލައާއި ގުޅިގެން ކުރީގެ ރައީސް އަބްދުﷲ ޔާމީން އާއި ކުރީގެ ނައިބު ރައީސް އަހުމަދު އަދީބުގެ މައްސަލަ ބަލާ ޖަލަށް ހުކުމް ކޮށްފައިވާކަމަށް ހަލީމް ވިދާޅިވި އެވެ.
ހަލީމް ވިދާޅުވީ އެމްއެމްޕީއާރްސީގެ ހިޔާނާތުގެ ވާހަކަ ދައުލަތަށް ކިޔައިދީގެން އަދީބު މިއަދު ކުރަނީ ގައުމީ މަސައްކަތެއް ކަމަށެވެ.
ކުރެވުނު ކުށަށް އަދީބު މާފަށް އެދި ތައުބާ ވެފައިވާކަން ފާހަގަކޮށް ހަލީމް ވިދާޅުވީ އަދީބު ހުރީ ރާއްޖެއަށްޓަކާ އެމްއެމްޕީއާރްސީގެ ހިޔާނާތުގެ ހުރިހާ ވާހަކައެއް ދައްކަން ކަމަށެވެ. އަދި ވިދާޅުވީ އެމްއެމްޕީއާރްސީގެ މައްސަލަ މިސަރުކާރުން ކާމިޔާބު ކޮށްފައިވާ ކަމަށެވެ.
