އެ ހަމަނުޖެހުން ކުށްވެރިކޮށް އިއްޔެ ޔުނިސެފުން ނެރުނު ބަޔާނުގައި ބުނެފައިވަނީ ހަމަލާތައް ބަދަލުކުރުމުގެ ސަބަބުން އެ ސަރަހައްދުގައި ދިރިއުޅޭ ކުޑަކުދިންނަށް ނޭދެވޭ އަސަރު ކުރަމުންދާ ކަމަށެވެ. އެގޮތުން ކުޑަކުދިން ޒަހަމްވާ އަދަދު އިތުރުވުމާއި، އެ ކުދިންގެ އާއިލާތަކަށްވެސް ނަފްސާނީގޮތުން ނޭދެވޭ އަސަރު ކޮށްފައިވާކަމަށް އެ ގައުމުގައި ބުނެފައި ވެއެވެ.
އަދި ޔުނިސެފުން ވަނީ މިދިޔަ ހަފްތާގައި ރަޝިއާ މެދުވެރިއަކަށްވެ ހުރެ އެކުލަވާލާފައިވާ އެއްބަސްވުމަށް އިހްތިރާމްކުރުމަށް އަރުމޭނިއާ އާއި އަޒަރުބައިޖާންގެ އިސްވެރިންނަށް ގޮވާލައިފައެވެ. މީގެ އިތުރުން، ކުޑަކުދިންގެ ހައްގުތަށް ހިމާޔަތްކުރުމަށް ގޮވާލައި، އެންމެ ފައިދާ ހުރި ގޮތަކީ ހަމަލާ ބަދަލުކުރުން ހުއްޓާލުން ކަމަށް ޔުނިސެފްގެ ބަޔާނުގައިވެ އެވެ.
ދާދިފަހުން އަރުމޭނިއާ އާއި އަޒަރުބައިޖާނުން ވަނީ ނަގޯނޯ-ކަރްބަހްގެ މައްސަލައިގައި ހަމަލާ ބަދަލުކުރުން ހުއްޓާލުމަށް އެއްބަސްވުމަކަށް އައިސްފައެވެ.
