މައިކޮލެޖްގެ ޖެނުއަރީ އިންޓޭކް ހުޅުވާލުމަށް އޯޕަންޑޭ ވަނީ މިމުގެ 20 ދުވަހު ބާއްވާފަ އެވެ. ޖެނުއަރީ އިންޓޭކް ތެރޭގައި ގިނަ ދާއިރާތަކަކުން މުހިންމު ކޯސްތަކަކަށް ހުށަހެޅުމުގެ ފުރުސަތު ހުޅުވާލާފައިވާއިރު މި އިންޓޭކްގައި ކޯސްތަކަށް ކުރިމަތިލުމުގެ ފުރުސަތު ޑިސެމްބަރު 25 އާ ހަމައަށް ވަނީ ހުޅުވާލާފައެވެ.
ސީއެންއެމްގެ އިސްކަން ޕްރޮގްރާމްގައި ވާހަކަދައްވަމުން މައިކޮލެޖްގެ ރެކްޓާ ލަމްޔާ އަބްދުލް ހާދީ ވިދާޅުވީ، އޯލެވެލް ނިންމާ މަތީ ތައުލީމަށް ދިއުމަށް ބޭނުންވާ ކުދިންނަށްވެސް ފަސޭހައިން ކޯސްތަކަށް ކުރިމަތި ލުމުގެ ފުރުސަތު އޮތް ކަން ލަމްޔާ ފާހަގަކުރެއްވިއެވެ. ލަމްޔާ ވިދާޅުވީ އޯލެވެލްއިން ރަނގަޅު ނަތީޖާއެއް ނުލިބުނު ކަމުގައި ވިޔަސް އެކުދިންނަށްވެސް ފުރުސަތު އެބަ އޮތް ކަމަށެވެ.
ލަމްޔާ އިތުރަށް ވިދާޅުވީ މައިކޮލަޖްއަކީ ދަރިވަރުންގެ ކޮލެޖެއްކަމަށާއި ދަރިވަރުންނާއި ވަރަށް ކައިރިން މަސައްކަތް ކުރާ ކުދިންގެ އަޑު އަހާ ކޮލެޖެއްކަމަށެވެ.
މައި ކޮލެޖް--
މައިކޮލެޖް ޖުމުލަ ހަތަރު ފެކަލްޓީއެއް ހުންނައިރު ލެވެލް ތިނަކުން ފެށިގެން ލެވަލް ނުވަޔަކައި ހަަމަޔަށް އެކި ދާއިރާތަކުން އެކި ކޯސްތައް ހެދުުމުގެ ފުރުސަތު ކުދިންނަށް ފަހިކޮށްދީފައިވެ އެވެ. މައިކޮލެޖްއިން ބުނީ އަންނަ އަހަރުގެ ޖެނުއަރީ އިންޓޭކްގެ ކޯސްތަކަށް ކުރިމަތިލުމުގެ ފުރުސަތު އޮންނާނީ 20 އޮކްޓޫބަރުން ފެށިގެން ޑިސެމްބަރު 25 އާއި ހަމަޔަށް ކަމަށެވެ.
