އިތުރު 5 ރަށެއްގައި އޭ ލެވެލްއަށް ކިޔަވާދޭން ފަށަނީ
މުހައްމަދު އާދަމް އަހްމަދު
23 އޯގަސްޓް 2025 - 10:43:35
އިތުރު 5 ރަށެއްގައި އަންނަ އަހަރު އޭ ލެވެލްއަށް ކިޔަވާދޭން ފަށަން ތައްޔާރުވަމުން އަންނަކަމަށް އެޑިއުކޭޝަން މިނިސްޓްރީން ބުނެފިއެވެ.
Advertisement
ދައުލަތުގެ މީޑިއާ، ޕީއެސްއެމްގައި ވާހަކަ ދައްކަވަމުން އެޑިއުކޭޝަން މިނިސްޓްރީގެ ސްޓޭޓް މިނިސްޓަރު ޑރ. އަހުމަދު މުޙައްމަދު ވިދާޅުވީ މި އަހަރުގެ ސާނަވީ އިމްތިހާނުގައި ރަށްރަށުގެ ގިނަ ސްކޫލުތަކުގެ ދަރިވަރުން ރަނގަޅު ނަތީޖާތަކެއް ހޯދާފައިވާ ކަމަށެވެ.
އެހެންކަމުން އެ ސްކޫލްތައް ފާހަގަކޮށް ރަށުގައި ތިބެގެން އޭ ލެވެލަށް ކިޔަވަން އެދޭނަމައެކަން ކުރެވޭނެ އިންތިޒާމު ހަމަޖެއްސުމުގެ މަސައްކަތް ކުރަމުން އަންނަކަމަށެވެ.
" އަޅުގަނޑުމެން އޭލެވެލް ފުޅާކުރުމުގައި ސަސްޓެއިނަބިލިޓީއަށްވެސް ބަލަމުން އަދި ރަނގަޅު ނަތީޖާ ހޯދާފައި ތިބި ގިނަ ދަރިވަރުންތަކެއް އެރަށެއްގައި މަޑުކޮށްގެން ތިބެގެން މަތީ ސާނަވީއަށް ކިޔަވަން ބޭނުންވާކަމުގައިވާނަމަ އަޅުގަނޑުމެން މިހާރުގެންގުޅޭ ވަކި މިންގަނޑުގެ ތެރެއިން އޭލެވެލް ފެށުމުގެ ފުރުސަތު މި އަހަރުގެ ތެރޭގައި އިތުރު ސްކޫލުތަކަށް އެބަދެން." ސްޓޭޓް މިނިސްޓަރު ޑރ.އަހްމަދު ވިދާޅުވިއެވެ.
އަންނަ ދިރާސީ އަހަރާއި އެކު އިތުރު ފަސް ސްކޫލެއްގައި އޭލެވެލަށް ކިޔަވާދެން ނިންމި ނަމަވެސްއެއީ ކޮން ސްކޫލްތަކެއްކަމެއް މިނިސްޓްރީ އަކުން ނުބުނެއެވެ.
މިއަހަރުގެ އޯލެވެލްގެ ނަތީޖާ މިދިޔަ އަންގާރަ ދުވަހު ވަނީ ދޫކޮށްފައެވެ. މި ފަހަރުހެ ނަތީޖާއަށް ބަލާއިރުވެސް ގިނަ ކުދިންތަކެއް އޯލެވެލް އިން ވަނީ ރަނގަޅު ނަތީޖާއެއް ހޯދާފައެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
