ފޮޓޯ: ރައީސް އޮފީސް
ކަޅުވަކަރު މިސްކިތުގެ މަސައްކަތް ކުރިއަށްދާ ގޮތް ނައިބް ރައީސް ބައްލަވާލައްވައިފި
26 ނޮވެންބަރ 2019 - 19:08:17
ރައީސުލްޖުމްހޫރިއްޔާގެ ނައިބު ފައިޞަލް ނަސީމް، ކަޅުވަކަރު މިސްކިތް އަލުންރާވާ ސަރައްޙައްދަށް ޒިޔާރަތްކުރައްވައި މިސްކިތް ރޭވުމުގެ މަސައްކަތް ކުރިޔަށްދާގޮތް ބައްލަވާލައްވައިފިއެވެ.
Advertisement
ރައީސުލްޖުމްހޫރިއްޔާގެ ނައިބު މިއަދު ހަވީރު އެ ސަރަޙައްދަށް ކުރެއްވި ޒިޔާރަތުގައި މިސްކިތް ރޭވުމުގެ މަސައްކަތްކުރިޔަށްދާގޮތް ބައްލަވާލެއްވުމުގެ އިތުރުން މި މަޝްރޫޢާބެހޭ މައުލޫމާތު މި މަސައްކަތުގައި އިސްކޮށްހަރަކާތްތެރިވާ ފަރާތްތަކާ ބައްދަލުކުރައްވައި ހޯއްދެވިއެވެ.
މީގެ އިތުރުން މިނިސްޓްރީ އޮފް އާޓްސް، ކަލްޗަރ އެންޑް ހެރިޓޭޖް ހިންގަމުން އަންނަ ޤައުމީ ދާރުލްއާޘާރުގެ އިމާރާތަށް ޒިޔާރަތްކުރައްވައި އެއިމާރާތުގައި ކުރެވެމުންދާ ބައެއް މަސައްކަތްތަކާއި އިމާރާތުގެ ހާލަތު ބައްލަވާލައްވާފައިވެއެވެ.
މީގެ އިތުރުން އެ އިމާރާތުގައި، ޤައުމީ އަރުޝީފު ދަށަށް ގެނެވޭ ދުވަސްވީ ލިއުންތައް ރައްކާކުރާ ތަނަށް ޒިޔާރަތްކުރައްވައި އެތަން ބައްލަވާލައްވާފައިވެއެވެ.
ކަޅުވަކަރު މިސްކިތް ހޯދައި، އަލުން އެމިސްކިތް ރޭވުމަކީ މި ސަރުކާރުގެ ރިޔާސީ ވަޢުދުތަކުގެ ތެރޭގައި ހިމެނޭ ވަޢުދެކެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
