ޔުނައިޓެޑް ނޭޝަންސް (އދ) އަށް 75 އަހަރު ފުރުމުގެ މުނާސަބަތުގައި ރައީސް ކުރެއްވި ޓްވީޓުގައި ވިދާޅުވީ، ގޮންޖެހުންތަކާއި އެކުގައިވެސް އދ އިން އަންނީ، ގައުމުތަކުގެ މެދުގައި ސުލްހަވެރިކަން ގާއިމްކުރަން މުހިންމު މަސައްކަތްތަކެއް ކުރައްވަމުން ކަމަށެވެ. ރައީސް ވިދާޅުވީ، ކޮވިޑް-19 ގެ ހާލަތުގައިވެސް، ގައުމުތަށް ގުޅިގެން މަސައްކަތްކޮށް، ބަލިމަޑުކަމުން އަރައިގަތުގައި އެއް ރޫހެއް އދ ގެ ބައިވެރިވުމާއިއެކު ފެނިގެންދިޔަ ކަމަށެވެ. 

ރައީސް ވިދާޅުވީ، "ޔުނައިޓެޑް ނޭޝަންސް ޑޭ" ރާއްޖެއިން ފާހަގަކުރަނީ، އދ ގެ ފަހުރުވެރި މެމްބަރު ގައުމެއްގެ ހައިސިއްޔަތުން ކަމަށެވެ. 

ލީގް އޮފް ނޭޝަންސް ފެއިލްވުމާއިއެކު، އދ އުފެދިގެން އައީ، ދެވަނަ ބޮޑު ހަނގުރާމައަށްފަހު ދެވަނަ ފަހަރަށް އެހާލަތު ތަކުރާރުވިތަ ނުދިނުމަށެވެ. އދ ގެ މެމްބަރު ގައުމުތަކުގެ ގޮތުގައި 193 ގައުމު ހިމެނެއެވެ.